Hlawv liaj teb ua rau Thaib teb yav qaum teb ntsib teeb meem plua tshauv thiab iab oo.

Cov xeev uas muaj plua tshauv me pm 2.5 siab dhau tsab cai mas yog : xeev Plhej (Prae), Las Pas (Lampang), Las Phus (Lamphun), thiab Naj (Nan).
Thawj kam teb xeev Plhej hais tias yav dhau los muaj ntau qhov chaw hlawv liaj teb, nws tau tso cov nom tswv mus pab tsuag dej thiab npaj nkoj cua mus tua hluav taws, yog tias kub mus rau tej hav zoov. Dhau no lawm tod mas, yuav qhia pej xeem sawv daws kom paub txog tej teeb meem ntawm cov plua tshauv me thiab iab oo.
Hos nyob rau hauv xeev Naj, cov nom tswv coj cov cuab tam ntsuas pa tsheb ncho los ntsuas pej xeem cov tsheb, kom txuag tsis pub muaj cov tsheb pa ncho dub khiav hauv nroog.
Tab sis yawg Npas Cas Phoos hais tias : pa tsheb dub tsis yog qhov tsim teeb meem plua tshauv me no, tab sis yog los ntawm tej pej xeem hlawv liaj teb thiab hlawv toj.