Hnub chiv no yog hnub uas Yes Yus rov mus lawm saum ntuj

Hnub chiv no yog hnub uas Yes Yus rov mus lawm saum ntuj.

Ua ntej Yes Xus nce mus lawm saum ntuj, nws hais cov lo lus kawg rau cov thwj tim tias "Nej mus thoob qab ntuj khwb, nej tshaj lub Moo Zoo rau txhia leej txhia tus uas Ntuj tsim los." Nws qhia kom peb tshaj lub Moo Zoo rau tas  txhia haiv neeg. yog vim lo lus ntawd mas peb thiaj tshaj lub Moo Zoo tas zog.

kuv xav hais txog ne ntsi ua cas Yes Xus rov mus saum ntuj?

txhob tsis nco qab tias Yes Xus yog Tswv Ntuj. Nws tuaj ntawm lub ceeb txheej tuaj. Nws yug los pab qhia thiab cawm peb xwb. thuam nws ua hauj lwm tas lawm, nws thiaj li rov mus zaum nyob ntawm Tswv Ntuj sab xis. Ces, hnub Chiv yav tom ntej peb yuav mloog tias Tswv Ntuj yuav xa Leej Ntuj Plig nqes los. 

Nco tsoov tias txawm Yes Xus yog Tswv Ntuj, nws kuj yog ib tug neeg zoo li nej sawv daws, zoo li kuv. Ua li ntawd, hnub nyoog Yes Xus mus saum ntuj thiaj muaj lub ntsiab tias thaum txoj sia nyob hauv ntiaj teb no tas lawm, Tswv Ntuj kuj yuav coj peb mus nyob saum ntuj, saum lub ceeb txheej. lub ceeb txheej kuv hais txog tsis yog qhov teb chaw ib yam li qhov chaw hauv niaj teb no, tab sis nws yog qhov chaw uas peb nrog Tswv Ntuj nyob los nyob ntawm Tswv Ntuj xub ntiaj.

Yes Xus tsis mus nyob deb ntawm peb, nws nrog cov thwj tim ua hauj lwm. nws nrog peb sawv daws nyob. nws ua hwj huam pab nres Lo Lus. Nco tsoov tias tus tuav Yes Xus lub npe thov Ntuj rau yus tus kheej thiab rau cov neeg txom txom nyem, cov neeg tsis muaj leej twg saib xyuas, cov neeg tsis muaj dab tsis noj dab tsis haus, thaib cov neeg nyob zoo, ces Tswv Ntuj yuav pub mov rau lawv, yuav foom koob foom hmoov rau lawv. Ua li ntawd, thov nej sawv daws nco qab kom zoo tias thaum peb yog Yes Xus cov ntseeg tiag tiag, peb yuav tsum tshaj lub Moo Zoo. Peb tshaj lub Moo Zoo zoo li cas? qib tim ib peb tuav Yes Xus lub npe thov Ntuj rau luag. Qib tim ob, peb ua tim khawv rau luag los ntawm kev sib nyiam sib hlub. peb pab cov neeg tsis muaj leej twg pab, cov neeg txom txom nyem. Peb ua raw li Yes Xus ua. Qhov no ceem tseeb tshaj plaws nawj.

thov Tswv Ntuj foom koob foom hmoov rau nej sawv daws kom nej noj qab nyob zoo mus li.