Tsev neeg Is Ntias 181 leeg.

Tsab ntawv xov xwm Dialy Mail nyob Aas Kiv teb tshaj ib zag txog ib tug txiv neej muaj 39 tus poj niam. Tus txiv neej ntawd yog yawg Tshas Nas, neeg Is Ntias. Nws muaj 39 tus poj niam, me nyuam 94 leeg, xeeb ntxwv 33 leeg thiab cov ntxhais cov vauv hu si xam ua ke tas nrho nws tsev neeg muaj 181 leeg. Lawv sib koom nyob hauv ib lub tuam tsev loj thiab muaj ntau txheej. Nyob saum roob ntawm ntug nroog Tas Vas hauv lub xeev Mis Xos Las uas nyob toob fab pej hauv Is Ntias teb. Tshas Nas hais tias : nws coj poj yawm txwv koob txoj kev cai txhawb nqa tsev neeg kom huam vam, nws saib ntsoov lwm tus ntxhais uas zoo ua poj niam, ces nws yuav los ua poj niam kom muaj me tub me nyuam coob coob raws poj yawm txwv koob txoj cai.

Nyob hauv nws yim neeg, mas tus niam loj yog tus txib thiab faib hauj lwm rau sawv daws ua. Lawv siv 30 tus qaib los ua pluas hmo rau lawv noj. Thaum npaj pluas noj, mas faib ib co mus chais qos, ib co ua mov thiab ua lwm yam raws tus niam loj txib kom ua. Tshas Nas cov poj niam hais tias : lawv yim neeg tsis muaj kev sib txeeb sib cais, lawv sawv dawv nyob sib hlub nyob sov siab thiab sib haum xeeb zoo li ib co kwv tij nkauj muam.