KEV XYAV TSEEM HWV LUB MOO NYOB LOS TSUAS TEB

Los Tsuas teb, yog ib lub teb chaws uas tsis muaj chaw tawm mus txog dej hiav txwv. Los Tsuas teb kav teb chaws raws txoj cai Koom Tshaj. Yog leej twg xyav tseem hwv lub npe los sis thuam tseem hwv txoj cai, mas tus ntawd yuav raug txim. Txoj cai no muaj coob leej uas yog pej xeem Los Tsuas lawv tseem tsis tau paub txog. Hnub tim 26 lub 8 hli tag los, muaj ib tug neeg Los Tsuas nyob hauv lub xeev Champasak raug cov tub ceev xwm ntes, vim nws tau sau ib kab lus xyav cov tseem hwv me me tso tawm nyob hauv facebook. Hais txog kev nyiag noj lub teb chaws tej nyiaj txiag nyob Los Tsuas teb uas yog ib lub teb chaws pluag txom nyem nyob As Xias. Tab txawm yog tej lo lus xyav tsis yog phem txaus, tsis kav yog leej twg xyav txog cov tseem hwv, mas nws kuj yuav raug txim ntau xyoo. Muaj coob leej neeg pom tias cov lus uas tus txiv neej Los Tsuas ntawd tso tawm nyob facebook tsis tau tsim nyog nws yuav raug kaw, tab sis nws cov lus yog xyav tseem hwv lub npe lawm. Peb nyob lub teb chaws twg, peb kuj yuav tau yoog raws tseem hwv txoj cai thiab ua neeg mloog lus. Vim txhua txhua lub teb chaws nyob hauv ntiaj teb no, nyias muaj nyias ib txoj cai kav nyias lub teb chaws thiab yog txoj cai zoo zoo xwb.