COV XIB HWB QHIA NTAWV HNUB

Txhua txhua xyoo hnub tim 5 lub 10 hli, mas yog cov xib hwb qhia ntawv nyob thoob ntiaj teb hnub. 
Tas ntiaj teb pib ua txij xyoo 1994 los lawm. Cov xib hwb qhia ntawv hnub, mas ILO/UNESCO tau lees paub nyob hauv xyoo 1966. 
Cov xib hwb hnub, mas yog ua kom cov xib hwb qhia ntawv paub thiab rov nco txog lub luag hauj lwm ntawm lawv tus kheej. Kom lawv paub npaj txhua yam nyob hauv txoj kev kawm thiab kev qhia. 
UN lees tias : cov xib hwb qhia ntawv, yog txoj kev txawj ntse tus yawm sij, vim li ntawd sawv daws tsim nyog yuav txhawb nqa txoj hauj lwm ua xib hwb qhia ntawv. 
Xyoo 2020 no, yuav muaj kev ua tej lub ntees lom zem cav txog cov xib hwb qhia ntawv, thiab ua kom sawv daws paub tias kev ua xib hwb qhia ntawv yog txoj kev kawm lub plawv nyob thoob ntiaj teb. 
Tus kab mob Covid-19, tau ua teeb meem loj kawg rau txoj kev kawm nyob txhua lub teb chaws. Vim li ntawd, sawv daws yuav tau koom tes nrog cov xib hwb qhia ntawv nyob hauv lub caij tus kab mob Covid-19 sib kis, kom txoj kev kawm txhob tsuag thiab vam meej rau yav tom ntej.