TUS LWM THAWJ TSWJ XEEV WASHINGTON TAWM MUS KOOM COV YES XUS IS

Tus lwm thawj tswj lub xeev Vas Sees Taas (Washington) hu ua Xais Lav Has Npim (Cyrus Habib), nws muaj 38 xyoo. Nws ua hauj lwm kav tsoom pej xeem los tau 8 xyoo, nws siv sij hawm 2 xyoos los soj ntsuam thiab thov Ntuj, mas nws txiav txim siab tawm thiab mus nkag rau txoj kev teev hawm Yes Xus Is. Nws hais tias txoj kev ntseeg Kav Tos Liv yog lub zog txhawb nws nkag mus ua ib tug tub tseev tsim, ces nws thiaj txiav txim siab ua txoj hauj lwm ntawd. Tab sis nyem no nws hloov lub neej tshiab mus ua ib tug neeg ntseeg nyob hauv lub Koom Txoos Yes Xus Is.
Has Npim qhov muag tsis pom kev zoo txij thaum nws muaj hnub nyoog 8 xyoo los, vim nws muaj tus kab mob Cancer thiab nws dim ntawm tus kab mob Cancer los 3 zaug. Nws tau piav txog nws lub neej uas nws hlub tshua txog cov neeg nyob deb kev vam meej, tab txawm nws tau ua ib tug tub tseev tsim thiab nws muaj lub neej zoo, nws yog ib tug nyob nrog pej xeem thiab ua ncaj ncees. Nws ntsia pom txog cov tseem hwv txoj kev kav teb chaws, tab sis qhov loj tshaj yog neeg yuav nrhiav kev noj qab nyob zoo hauv fab ntsuj plig thiab ntaus phooj ywg yog ib qho nyuab heev.