TUS TXIV PLIG NYAB LAJ RAUG TSO TAWM HAUV NKUAJ

Pab neeg saib xyuas kev ncaj ncees ntawm lub teb chaws hais tias : cov tseem hwv koom tshaj tau tso ib tug Txiv Plig uas nws raug ntes kaw 4 xyoos tag los tawm hauv nkuaj lawm. Nws lub txim yog pab cov neeg mus txawv teb chaws yam tsis raug cai. Txiv Plig A Dao uas yog ib tug tub tshaj Ntuj Lus neeg Montagnard raug tso tawm nkuaj ua ntej ib xyoos ntawm nws txoj kev raug kaw nkuaj 5 xyoos.

Cov neeg Montagnard thiab cov neeg ntseeg uas yog Hmoob raug quab yuam nyob Nyab Laj teb txij xyoo 1960 los. Vim cov tseem hwv xav tias lawv yog cov neeg phem zoo li ib tug kab mob yuav txo cov tseem hwv thiab rhuav tshem lub teb chaws. Ces lawv raug txwv txiav txhua yam ntawm kev ua ib tug pej xeem.

Cov tub saib xyuas kev ncaj ncees thov kom cov tseem hwv Nyab Laj tso cov neeg raug txim uas yog neeg ntseeg tas nrho, thiab tso tseg txoj kev quab yuam cov haiv neeg tsawg. Yam li cov neeg ntseeg Montagnard thiab cov Hmoob nyob ntau lub zos hauv Nyab Laj teb, lawv yog ib co neeg ntseeg uas nyob hauv txoj cai tsis raug tseem hwv txoj cai, ces lawv thiaj raug quab yuam tas li.

Txiv Plig A Dao los nws kuj yog raug ntes vim kev iab hiam los ntawm txoj kev ntseeg thiab. Cov neeg Montagnard thiab cov Hmoob raug ntes, raug tsim txom thiab quab yuam kom tso txoj kev ntseeg pov tseg thiab mloog cov tseem hwv. Muaj coob leej khiav ua thoj nam mus rau tej qhov chaw uas lawv tsis muaj lub chaw zoo nyob thiab muaj qee leej kuj khiav tawm txawv teb chaws.