UNITED NATIONS DAY

Lub Leej Haum Kuj hnub pib tsa nyob hauv xyoo 1945, thiab muaj 5 tug neeg sawv cev ntawm 5 lub teb chaws los sib koom ua ke raug cai. Txhua txhua xyoo hnub tim 24 lub 10 hli, yog hnub tsuj xeeb lub Leej Haum Kuj hnub. Lub Leej Haum Kuj pib tsa muaj nyob hauv xyoo 1945, tab sis xyoo 1948 thiaj mam teeb tsa lub Leej Haum Kuj hnub.

Xyoo 1971 lub Leej Haum Kuj thiaj tau sib tham thiab muab hnub tim 14 lub 10 hli los ua hnub so ntawm lub Leej Haum Kuj. Vim yuav txog hnub ua hmoov tsuj xeeb, mas António Guterres uas yog tus lwm tswj ntawm lub Leej Haum Kuj thiaj tshaj tias : xyoo no yuav ua hmoov tsuj xeeb lub Leej Haum Kuj hnub txwm 75 xyoos thiab yuav muaj kev sib tuav xam txog kev sib koom tes ntawm cov teb chaws thiab yuav tsim lub neej tom ntej zoo li cas.

Txij lub 1 hlis xyoo 2020 no los, lub Leej Haum Kuj tau tuav xam nrog cov teb chaws nyob thoob ntiaj teb thiab txhua txheej neeg, hais txog kev cia siab thiab kev ntshai nyob hauv lub ntiaj teb no. Lub hom phiaj ntawm teeb tsa kom muaj lub Leej Haum Kuj, mas yog vim xav kom tas ntiaj teb tau sib koom ua hauj lwm ua ke, tsim kev thaj yeeb ua ke thiab tsim kev ncaj ncees rau ntiaj teb neeg.