UA THAJ TXI NTUJ PUB RAU COV NEEG THOJ NAM

Tuesday, October 27, 2020

Lub 4 hlis 2019, tsoom pej xeem nyob hauv lub nroog Hom Cis Mees muaj 9 plhom leej. Nyob hauv 9 plhom leej ntawd muaj ntau plhom leej yog neeg thoj nam. Nyob hauv cov neeg thoj nam ntawd muaj li ntawm 600,000 leej yog neeg ntseeg. Lawv yog khiav ntawm Nyab Laj qaum teb thiab nruab nrab teb los nyob hauv lub nroog Hom Cis Mees. Hnub tim 27 lub 9 hlis tag los no, cov neeg ntseeg thov Ntuj rau cov neeg thoj nam nyob hauv lub nroog Hom Cis Mees tau ua cov kab ke thov Ntuj nco txog hnub ntawm cov neeg thoj nam zaum 106 nyob hauv lub tsev teev Ntuj hwm Leej Ntshiab Paj Lug, hauv lub nroog Npis Tas (Binhtan).

Nyob Nyab Laj teb, tsoom pej xeem tab tom tiv thaiv tus kab mob Covid-19 raws li cov pwm tsav fab kev noj qab haus huv txhib kom sawv daws ua.

Vaj Qhia Fas Ntshis Kus cov lus, nws thov kom cov neeg ntseeg nyob thoob plaws hauv ntiaj teb no nco ntsoov txog cov neeg thoj nam nyob hauv Yes Xus tus duab, thiab sib pab thov Ntuj rau cov neeg thoj nam nyob thoob ntiaj teb.

Cov tub ntxhais hluas feem coob, yog nyob hauv cov tsev neeg pluag txom nyem. Lawv hais tias lawv khiav los nyob Hom Cis Mees, yog vim lawv xav nrhiav hauj lwm ua, ib txhia xav kawm txuj ua Leej Choj, thiab ib txhia xav nrhiav nyiaj yug lawv tsev neeg. Pom tias lub caij uas tus kab mob Covid-19 sib kis no, mas txhua tus neeg zoo siab ua txhua yam hauj lwm kom tau nyiaj yug lawv tsev neeg. Ces kuj ua rau ib txhia tub ntxhais hnov qab txog lawv txoj kev teev Ntuj lawm.