KOOM HAUM TSHAJ NTUJ LUS NYOB NYAB LAJ TEB

Tuesday, November 03, 2020

Kev tshaj Ntuj Lus yog lub luag hauj lwm ntawm txhua tus neeg uas tau txais lub Cim Ntxuav, tsis hais cov Txiv Plig, cov Leej Phauj los sis cov neeg ntseeg. Vim lub luag hauj lwm tshaj Ntuj Lus, mas cov Txiv Plig Nyab Laj thiaj txiav txim siab txhim tsa “Lub Koom Haum tshaj Ntuj Lus” nyob hauv txhua lub Cheeb Koom Txoos.

Ua ntej tsov rog yuav sawv, mas Txiv Plig As Foos Xos Hus Loos (Fr. Alfonzo Huu Long) hais tias cov Koom Haum tshaj Ntuj Lus muaj ntau lub Koom Haum, qee lub Koom Haum ua hauj lwm rau cov me nyuam yaus. Tab sis txij xyoo 1975 los, cov Koom Haum tshaj Ntuj Lus li hais no puav leej kaw tag. Nyob hauv cov Txiv Plig lub rooj sau siab xyoo no, txij hnub tim 12 – 16 lub 10 hli no, Txiv Plig As Foos Xos Hus Loos thiaj hais tias : nws thov kom txhua lub Cheeb Koom Txoos nyob Nyab Laj teb txhim tsa kom nyias muaj nyias lub Koom Haum tshaj Ntuj Lus.

Xyoo 1999 cov tseem hwv Nyab Laj nyob Hanoi thiaj tso lus kheev kom cov Koom Haum rov qab ua hauj lwm li qub thiab tso siab rau Txiv Plig Pob Zeb Taas Ntis Tus (Fr. Peter Tran Dinh Tu) txoj kev tshaj Ntuj Lus. Zim txwv no tas cov Txiv Plig tso siab rau Txiv Plig As Foos Xos Hus Loos, kom nws qhib tej lub tsev tshiab los qhia kev ntseeg rau cov tub ntxhais hluas. Muaj ib tug tub hluas Is Tas Lias 15 xyoos hu ua Khas Los Es Khus Tis (Carlo Ecoutis), nws paub txog kev siv cov twj txheej tshiab nyem no zoo, nws yuav ua tus qhia kev siv txhua yam nyob hauv Social Media rau cov tub ntxhais hluas.