TUAM TSEV LAS TES LAAS (Basilica of St. John Lateran)

Tuam Tsev Teev Ntuj Las Tes Laas los yog tuam tsev teev Ntuj hwm Leej Ntshiab Zam Las Tes Laas yog lub tuam tsev loj tshaj plaws nyob hauv tuam ceeb Los Mas, yog lub tuam tsev Vaj Qhia ua tus tswj, yog lub tuam tsev niam hauv txhua lub tsev teev Ntuj tag nrho thoob ntiaj teb.

Tuam Tsev Teev Ntuj Las Tes Laas yog ib lub tuam tsev qub qub txhim tsa puag xyoo 324 thaum tus vaj Koos Tes Tis Nus kav Los Mas. Koos Tes Tis Nus txhim lub Tuam Tsev Teev Ntuj Las Tes Laas no los hwm Huab Tais Yes Xus thiab xav kom lub tuam tsev no yog Koom Txoos lub taub hau thiab yog lub hauv paus hauv txhua lub tev teev Ntuj. Av qeeg xyoo 896 ua rau Tuam Tsev Teev Ntuj no puas ces Vaj Qhia Xaws Ntsis Us tim 3  (Pope Sergius III) thiaj txhim kho dua tshiab thiab cev los hwm Leej Ntshiab Zam Ntxuav Plig thiab Zam tus sau Ntawv Moo Zoo.

Xyoo 1308, Tuam Tsev Teev Ntuj Las Tes Laas raug kub hnyiab loj ces Vaj Qhia Xis Tus tim 5 (Pope Sixtus V) thiaj mam rov kho dua ib lwm.

Rov txhim ib zaug ntxiv rau xyoo 1362 txog xyoo 1737  thiaj mam tiav, ces Vaj Qhia Nkes Mees tim 12 (Pope Clement XII) thiaj cev lub Tuam Tsev Teev Ntuj Las Tes Laas no los hwm rau Leej Ntshiab Zam Ntxuav Plig thiab Leej Ntshiab Zam tus sau Ntawv Moo Zoo; raws li kab lus ceev tseg cia tias : Xyoo tim 5 lub caij Vaj Qhia Nkes Mees tim 12 tswj lub Koom Txoos, tau cev lub tuam tsev no rau Leej Pleev tsu cawm seej, kom tau hwm Leej Ntshiab Zam Ntxuav Plig thiab Leej Ntshiab Zam tus sau Ntawv Moo Zoo.