COV KAV TOS LIV KOOM ZOO SIAB NROG LUB TSEV TEEV HAWM PHUS THAS.

Thursday, November 05, 2020

Hnub tim 29 lub 10 hli tag los no, tus Tswv Qhia Liab Mis Tshais (Card. Micheal Mechai Kitboonchu) thiab tus Tswv Qhia Tshas Is Nas (Archbishop Paul Tschang In-Nam) uas yog tus tiam lis Vas Tis Kas nyob Thaib teb nrog cov tim xyoob tau mus koom ua hmoov “Kev zuaj ib ce pab lub tswv yim thiab kab lis kev cai ntawm lub teb chaws Thaib”, uas tsa nyob hauv lub tsev teev hawm Phus Thas “Wat Phra Chetuphon Wimonkalaram”. Vim tsaib no lub Koom Haum Yus Nes Kos (UNESCO) lees txais kev zuaj ib ce ntawm Thaib teb mus ua ib qho muaj nqis hais txog kab lis kev cai nyob hauv lub nroog Pos Kos Tas, nyob Kos Loos Npias teb lawm. (Pokota, Columbia)

Nyob hauv cov kab ke ua hmoov kab lis kev cai Thaib no, muaj tus pwm tsav fab kev noj qab haus huv nyob Thaib teb, tus thawj hauj sam ntawm lub tsev teev hawm Wat Phra Chetuphon Wimonkalaram, tus thawj pwm tsav fab kab lis kev cai los hais txog kev zuaj ib ce ntawm tsoom pej xeem Thaib raug nce npe rau UNESCO. Tus Tswv Qhia Liab Mis Tshais thiab Vas Tis Kas tus tiam lis Tswv Qhia Tshas Is Nas kuj tau hais ib co lus ua kev zoo siab koom nrog cov tseem hwv Thaib nyob hauv cov kab ke ua hmoov no thiab. Tas sawv daws cov muaj meej mom nce rau saum sam thiaj thiab ntaus nruas qhib kev ua hmoov tsuj xeeb, thau duab ua ke thiab muab paj tshab rau 8 leeg kws zuaj ib ce ntawm Thaib teb uas lawv ua tau zoo. Tom qab ntawd tas cov thawj coj tau ncig saib txhua yam nyob hauv kev tsuj xeeb hnub ntawd.