COV KWS TXUJ THIAB COV TUB UA YEEB YAJ DUAB THOV KOM TSEEM HWV TSO TUS THAWJ TSWJ IB LUB TSEV LUAM NTAWV

Thursday, November 05, 2020

Cov tub ua yeeb yaj duab thiab tsoom pej xeem cev ntawv thov kom cov tub ceev xwm tso Ntsees Xiam Naas (Geng Xiaonan) uas yog tus thawj tswj ntawm ib lub tsev luam ntawv nto npe, vim nws tau txuag Xuj Tsab Laum (Xu Zhangraun) ces nws thiaj raug ntes.

Ntsees Xiam Naas raug ntes hnub tim 9 lub 9 hlis nrog nws tus txiv. Lub lis piam tag los tau txais ib lo lus tseeb tuaj ntawm cov kws txoj cai tias : nkawd ib niam txiv yog tus tswv ntawm lub tsev luam ntawv nto npe Ntawv Lus Yias (Ruyia Books), uas tau koom tes nroog tsoom pej xeem thiab cov tub ua yeeb yaj duab txhim kho kev cai dab qhuas thiab suab paj nruag. Cov tub ceev xwm hais tias : lub tsev luam ntawv no ua tsis raug kev cai thiab tau luam 8,000 phau ntawv txhaum tseem hwv txoj cai. Hais raws qhov tseeb mas Ntsees tsis raug kaw, nws tsuas raug liam tias luam ntawv tsis raug cai xwb. Tab sis muaj qee leej hais tias Ntsees txhaum puv ib puas feem pua, vim kev luam ntawv txhaum kev cai, mas yog hla tseem hwv txoj cai lawm.