ZAJ NYEEM HNUB TIM 12 LUB 11 HLI 2020

LIS PIAM 32 CAIJ NRUAB XYOOS

Tswv Ntuj lub Ceeb Tsheej los txog lawm. (LK 17 : 20 – 25)

Cov Fas Lis Xais nug Yes Xus saib thaum twg Tswv Ntuj lub Ceeb Tsheej thiaj li los txog. Yes Xus teb rau lawv tias : “Tswv Ntuj lub Ceeb Tsheej yog ib yam uas neeg qhov muag tsom tsis tau. Yus yuav hais tsis tau tias 'Ntuj lub Ceeb Tsheej nyob ntawm no', Los nyob tod', vim tias Tswv Ntuj lub Ceeb Tsheej nyob nruab nrab hauv nej.”

Yes Xus hais rau cov thwj tim tias : “Yuav muaj tej lub sij hawm uas nej ntshaw pom Neeg Leej Tub nrog nej nyob ib hnub, tab sis nej yuav tsis pom. Ces luag yuav hais rau nej tias : 'Neeg Leej Tub nyob tod', los 'Nws nyob ntawm no'.

Mas nej tsis txhob mus, tsis txhob tso sas ntws khiav mus rau tod. Vim tias Neeg Leej Tub lub zim txwv yuav zoo xws li ib kab xob laim ci dawb paug ib ceg kaum ntuj mus rau lwm ces. Tab sis nws yuav tsum xub raug luag tsim txom loj kawg thiab raug tiam neeg no muab xyeeb pov tseg tso.”