THAIS VAS TEB PAB NYIAJ RAU COV PEJ XEEM NYAB LAJ RAUG DEJ NYAB

Cov tseem hwv Thais Vas tau muab 400,000 US dos las nyiaj, coj mus pab tsoom pej xeem Nyab Laj uas raug dej nyab loj tshaj nyob hauv ntau caum xyoo dhau los.

2 lub lis piam dhau los no, muaj 2 lub khaub lig cua tau los raug Nyab Laj teb. Ua rau ntau lub xeev nyob Nyab Laj teb raug xwm txheej loj kawg. Cov tub tseem hwv hais tias ; muaj neeg tuag li ntawm 113 leeg thiab ploj lawm 20 leej nyob hauv lub 9 hlis dhau los. Nyob nruab nrab hauv Nyab Laj teb, mas muaj 212 lub zos thiab 240,000 yim neeg raug dej nyab. Thiab tseem muaj tej lub zos raug nyob twm zeej, vim kev tsheb tu tag thiab tsis muaj hluav taws xob siv.

Cov tub tseem hwv yuav tsum siv nkoj mus thauj neeg tawm hauv cov zos uas raug dej nyab thiab thauj toob xib txhiam xws mus faib rau tsoom pej xeem. Kuj muaj cov neeg ntseeg Kav Tos Liv nqa dej haus thiab txhiam xws noj mus faib rau tsoom pej xeem uas nyob hauv tej lub zos xu kev. Cov tseem hwv Thais Vas kuj xa ib pob nyiaj pab mus rau tsoom pej xeem uas raug dej nyab, vam tias cov tseem hwv yuav muab pob nyiaj ntawd coj mus ua tsev rau tsoom pej xeem raug dej nyab tau nyob thiab yuav ua tau sai.