COV TXIV PLIG NYAB LAJ UA KEV LOM ZEM PUB RAU COV NEEG TUAG

Friday, December 11, 2020

Cov Txiv Plig Nyab Laj nyob Hom Cis Mees zoo siab txhawb nqa kev hu nkauj lom zem nyob saum sam thiaj sib koom siab ua koob hmoov kom tau nyiaj mus pab cov neeg raug khaub lig cua nyob Nyab Laj teb. Yog kev sib tawm tswv yim ntawm cov Tswv Qhia nyob Hom Cis Mees hnub tim 17 lub 11 hlis tag los, ces hnub tim 27 lub 11 hlis thiaj tau ua lub sam thiaj hu nkauj lom zem kom tau nyiaj mus pab cov neeg txom nyem uas yog muaj cov neeg ntseeg ua cov tswv cuab. Vim cov neeg ntseeg thiab cov Txiv Plig xav kom tsoom pej xeem uas lawv tau txais kev kub ntxhov los ntawm 7 lub khaub lig cua lawv rov tau nyob kaj siab, ces cov Txiv Plig thiaj zoo siab txhawb nqa txoj kev lom zem no. Lub ntsiab lus ntawm kev hu nkauj saum sam thiaj no yog “kev sib pab ntawm tib neeg lub cuab yim neej”. Muaj cov tub hu nkauj thiab cov tub ua yeeb yaj duab coob leej sib hloov ua kev lom zem thiab hu nkauj. Ib txoj nkauj mas sawv daws yuav tsum them 3 plhom doos los yog 109 Euro.

7 lub khaub lig cua los raug lub Cheeb Koom Txoos Hue thiab Ha Tinh. Ua rau neeg tuag 130 leej thiab raug mob 214 leeg. Tseem muaj tsoom pej xeem tej vaj tse piam sij lawm ntau txhiab lub thiab liaj teb piam sij lawm ntau kawg. Muab xam kev piam sij mas raug nyiaj li ntawm 84 plhom Euro. Raws kev soj ntsuam ntawm cov Txiv Plig, mas pom tau tias cov pej xeem uas raug xwv txheej no muaj cov ntseeg thiab cov tsis ntseeg huv si. Truong Nhan uas nws yog ib tug neeg ntseeg nyob hauv lub nroog Hue hais tias : ntuj los nag loj thiab cua hlob heev, ces ua rau nws lub tsev piam tas, nws yuav tsum siv nyiaj ntau los kho tsev. Tab sis nws tsev neeg txom nyem tsis muaj nyiaj los kho tsev, ces yuav tsum vam txog lub Koom Txoos pab nws txoj kev txom nyem. Nguyen Luu uas nyob hauv lub zos Houng Tra hais tias : peb lub neej nyob tau, yog vim tau txais kev pab nyiaj txiag los ntawm cov Caritas Cheeb Koom Txoos Hue thiab cov tseem hwv nyob hauv tej zej zog.