COV NTSEEG HAUV BAC NINH TAB TOM LOJ HLOB NYOB HAUV CAIJ COVID-19 SIB KIS

Cov lus nthuav Ntawv Ntshiab hauv Hnub Chiv tag los, uas yog thawj lub lis piam qhia kev ntseeg ntawm Txiv Plig HoàngVănt tuaj Bac Ninh tuaj. Txiv Plig HoangVant hais tias : “Tus kab mob Covid-19 sib kis nyob hauv ntau lub hlis, kuv tau mus tsham cov zej zog thiab qhib 7 lub tsev teev Ntuj. Muaj ib lub zos me me muaj 11 yim neeg ntseeg, lawv txhim ib lub tsev teev Ntuj nyob ntawd. Yog ib lub moo zoo ntawm txoj kev ntseeg Ntuj. Dhau ntawd, kuv zoo siab heev uas tau hnov luag tej lus xyav zoo zoo hais txog lub Koom Txoos. Cov tub tseem hwv nyob hauv ntau lub zos kuj tso siab rau kuv. Lawv vam thiab xav kom tas tsoom pej xeem los ua neeg ntseeg thiab nyob thaj yeeb.”

Txawm li cas kuj xij, tus kab mob Covid-19 tau ua kev piam sij rau Nyab Laj teb loj kawg. Muaj cov neeg rov lwm teb chaws los kis mob coob leej nyob hauv lub Cheeb Koom Txoos Bac Ninh, lub nroog LoiSon thiab lub zos HaLoi. Yog vim kev tiv thaiv tus kab mob Covid-19, mas tsoom pej xeem ntau txhiab leej nyob hauv 2 lub zos no thiaj sib faib nyias nyob nyias. Thiab cov tub tseem hwv, cov kws kho mob muab siab rau pab tsoom pej xeem.

Lub Cheeb Koom Txoos Bac Ninh tau faib dej haus thiab faib tshuaj noj rau cov neeg ntseeg thiab cov tsis ntseeg nyob hauv 2 lub zos no. Muaj coob tug Leej Phauj raug xa mus pab tsoom pej xeem thiab. Nyob hauv kev tshaj Ntuj Lus, mas Tswv Qhia hais tias tus kab mob Covid tsis yog ua teeb meem rau cov neeg Nyab Laj raug kev tuag xwb, nws ua teeb meem rau kev tshaj Ntuj Lus thiab ua thaj txi Ntuj tib si. Li ntawd thov ua tsaug rau cov tub kawm hauv cov tsev qhia ntawv Kav Tos Liv thiab cov neeg ntseeg nyob Hich. Vim lawv tau pib mus qhia ntawv rau cov me nyuam yaus 40 leej nyob hauv cov zos deb nroog. Muaj qee lub zos, mas cov ua niam ua txiv kuj tau kawm ntawv thiab.

Mas ib tug Leej Phauj Hmoob nyob hauv lub Koom Haum Dominic hauv lub Cheeb Koom Txoos Bac Ninh tau piav txog lawv lub neej tias : “Kuv tuaj ntawm ib yim neeg pluag thiab txom nyem tuaj. Thaum kuv tseem yau kuv nyob nrog lub neej cog zaub ua liaj ua teb. Tam sim no kuv pab lub Cheeb Koom Txoos qhia ntawv rau ib pab me nyuam, kuv teev Ntuj thiab koom lub thaj txi Ntuj txhua txhua hnub. Kuv pom tias txoj kev teev Ntuj muaj nqis heev, vim nws ua rau tib neeg sib haum xeeb thiab txawj sib pab txhua fab hauj lwm.”