AS MES LIS KAS THIAB SUAV TU NCUA KEV SIB TW THIAB KOOM TES

Friday, December 11, 2020

Kev txo kev sib chim tsis ua rau tseem hwv As Mes Lis Kas pauv lawv txoj cai, tsuas yog txo qee yam xwb. Nod yog qhov teeb meem yuav tshwm rau Suav thiab As Mes Lis Kas txoj kev phooj ywg, tom qab Biden los ua Txoov Tim Tswv nyob rau lub 1 hlis 2021. Kev tsis sib haum xeeb ntawm 2 lub teb chaws no tseem puav leej zoo li qub, tsis hais kev lag, Technology los kev ruaj ntseg nyob As Xias toob fab naj. Lub caij TRAMP ua Txoov Tim Tswv, mas 2 tog tsis tshua hais txog lawv cov tiam lis, tab sis lawv sib txo zog nyob hauv Twitter.

As Mes Lis Kas cov Koom Haum tsim toob xib nyob Suav teb vam tias Biden yuav ua txhua yam los txuag lawv nyob hauv txoj kev sib tawg. Muaj ib lub tuam tsev ua lag luam nyob Saas Hais hais tias : 53 feem pua, lawv yuav tsis pauv lub hom phiaj. 13 feem pua hais tias yuav nqes peev ntau dua qub, thiab 5.6 feem pua hais tias txhob muab nyiaj mus nkim pov tseg. Xyoo no TRAMP cov tub tseem hwv nyob Vas Sees Taas hais ntau yam kom cov tsev Koom Haum tsim toob xib nyob Suav teb thim rov qab los yog tshais mus nyob lwm lub teb chaws, thiab yog ib yam uas tsis tau siv dua rau cov tsev Koom Haum tsib toob xib, vim tseem hwv As Mes Lis Kas cia siab rau tsev Koom Haum tsim toob xib nyob As Xias. Tseem hwv Suav hais tias kev ua rog se lag laum ntawm TRAMP tsis ua rau cov lag luam Vas Sees Taas poob peev, tab sis Technology ua rau Huawei muaj teeb meem raws li lub Koom Haum TrendForce Suav uas tsim Internet 5G hais tseg. Ua rau kev tsim xov tooj muag tawm txawv teb chaws raug teeb meem loj kawg. Cov tseem hwv Suav hais tias Biden puas yuav saib tias Suav teb yog ib tug yeeb ncuab ntawm kev siv tw riam phom, yog Biden xav li ntawd mas Suav thiab As Mes Lis Kas yuav tau sib tham kom txhob zoo li Aws Los Pas thiab Pej Ceeb. Vim txhua yam yuav ua teeb meem rau 2 lub teb chaws txoj kev lag luam xwb.