TUS LEEJ CHOJ NYOB LAJ HLUB HAIV NEEG TSAWG

Hnub tim 15 lub 11 hlis no, lub khaub lig cua Vamco tau los raug Nyab Laj nruab nrab teb, ua rau tsoom pej xeem tej vaj tse piam sij lawm 15 lub, tsiaj txhu tuag lawm 2,200 tug thiab liaj teb piam sij lawm 10 tawm hev taj (hectare) nyob hauv lub zos Hamlet 8. Yog lub zos uas haiv neeg Van Kieu nyob, zwm rau lub Cheeb Koom Txoos Hoos Huas, xeev Qoung Tri.

Tus hau zos hu ua Duoc tau mus ntsib Txiv Plig Minh, thiab thov kev pab ntawm Txiv Plig. Nws thov kom Txiv Plig pab nyiaj kho tsoom pej xeem tej vej tse thiab yuav me nyuam npua rau tsoom pej xeem yug. Ces Txiv Plig Minh hais tias nws yuav pab kom tsoom pej xeem tau noj tau haus 3 lub hlis, mus txog thaum tsoom pej xeem sau lawv tej qoob loo pib lub xyoo tshiab.

Txiv Plig Minh yog tus cawm peb tiag tiag, peb tsis paub tias peb yuav dab tsi los yug siav. Yog tias tsis muaj Txiv Plig Minh pab, xyov peb yuav ua li cas. Cov lus no yog ib tug yawg hnub nyoog muaj 51 xyoos ua tus hais. Tus hau zos Duoc hais tias : tas tsoom pej xeem nyob hauv lub zos, mas ib nrab yog haiv neeg Van Kieu 185 leeg. Lawv lub zos yog ib lub zos me me uas coj kev teev hawm Kav Tos Liv. Nws tau ntsib Txiv Plig Minh 7 xyoo dhau los. Ho Luong uas nws yog ib tug laus neeg nyob hauv lub zej zog hais tias : tsoom pej xeem sawv daws hwm Txiv Plig Minh ib yam li ib tug laus neeg nyob hauv zej zog thiab, lawv hlub thiab txhawj xeeb txog Txiv Plig kawg.

Txiv Plig Minh hais tias ; 7 xyoo tag los, ntuj los nag loj thiab dej nyab tsoom pej xeem tej vaj tse thiab liaj teb piam sij tas. Tsoom pej xeem tsis muaj dab tsi noj, vim yam ub yam no raug dej nyab tas. Muaj ib txhia mus nrhiav noj nyob hauv hav zoov, hos ib txhia mus ko taw deb li 12 km kev kom txog lub zos Khem Xas, lawv mus thov mov noj thiab tshuaj noj. Lub caij ntawd, Txiv Plig Minh tshem lub Cim Yug hauv tsev teev Ntuj mus rau lwm qhov, thiab cia tsoom pej xeem raug xwv txheej mus pw nyob hauv tsev teev Ntuj.

Tom qab ntawd li 10 hnub, Txig Plig Minh faib txhiam xws noj, faib tshuaj noj, khaub ncaws, vij tsam thiab pam vov chaw pua rau lawv nqa rov qab mus tsev. Hnub ua hmoov tsuj xeeb Yes Xus yug los, mas muaj li ntawm 1,500 tus neeg ntseeg tuaj sib koom. Cov neeg ntseeg ntawd muaj ntau haiv neeg nyob sib xyaws. Txiv Plig tau muab ntau yam coj los ua paj tshab pub rau sawv daws.

Txiv Plig Minh yog tus saib cov neeg ntseeg  nyob hauv lub zos Khem Xas thiab Npas Loos. Khem Xas thiab Npas Loos yog zwm rau lub Cheeb Koom Txoos Da Krong thiab Hoos Huas. Nyob hauv 2 lub Cheeb Koom Txoos ntawd muaj cov neeg ntseeg Kav Tos Liv 2,600 leej. Tas tsoom pej xeem yog 135,000 leej. Nyob hauv 135,000 tus pej xeem ntawd, muaj 50,000 leej yog haiv neeg Van Kieu.