NTHUAV NTAWV MOO ZOO HNUB TIM 11/11/2019

Friday, November 08, 2019

LK 17 : 1-6

Kev coj luag ua txhaum.

1 Yes Xus hais rau cov thwj tim tias : "Yeej yuav cheem tsis tau kom txhob muaj kev coj luag ua txhaum, tab sis tus coj kom luag ua txhaum mas nws txoj hmoov phem ! 2 Txhiaj khoov muab ib lub zeb zom dai ntawm nws caj dab thiab muab nws pov rau hauv dej ntuj, kom nws txhob coj ib tug me me no ua txhaum. 3 Nej ceev faj mog !" "Yog koj tus kwv ua txhaum, koj yuav qhuab ntuas nws. Yog nws thov txhaum, mas koj zam rau nws. 4 Yog ib hnub nws ua txhaum rau koj xya zaus, nws rov los thov koj xya zaus hais tias 'Kuv thov txhaum,' mas koj yuav zam rau nws." 5 Cov Hauv Paus Xa Lus hais rau Huab Tais tias : "Koj txhab kev ntseeg rau peb mas !" 6 Ces Huab Tais hais tias : "Yog nej muaj kev ntseeg luaj li lub noob zaub roj, mas nej yuav hais tau rau tsob ntoo txiv pos no tias 'Rho koj cov cag, koj tshais mus cog koj rau hauv dej ntuj,' mas tsob ntoo yuav mloog nej lus.

Nyob rau hauv zaj no qhia tias ; yog peb ua lag ua luam, thaum peb muag tau nyiaj ntau, mas ntshe peb yuav zo siab heev, vim kev ua lag ua luam khwv nyiaj khwv txiaj peb yeej xav kom tau ntau, tsis muaj leeg twg xav ua luam poob peev, nyob rau hauv peb sab ntsuj plig los kuj zoo ib yam li ntawd, peb tej koob hmoov uas peb tau ntsim tseg thaum peb tseem ua neej nyob rau ntiaj teb no, txawm tias peb muab los xam tsis tau ib yam li tej nyiaj txiag, tab sis, yog peb tau tsim koob tsim hmoov ntau tseg, ces thaum peb tso lub ntiaj teb no lawm, peb tej koob hmoov yuav txhawb peb tus ntsuj plig kom peb tus ntsuj plig tau nyob kaj lug kaj nrig. Li ntawd, Huab Tais Yes Xus thiaj qhia tias, peb yuav tsis txhob ua txhaum, thiab tsis txhob coj lwm tug mus ua txhaum, mas peb thiaj tsis tau ris peb lub nra txhaum ntawd, tab yog luag lwm tus ua txhaum rau peb, tsis kav, thaum luag los thov txim ntawm peb, ces peb yuav zam rau luag. Qhov no yog ib txoj kev zoo ua peb tsim nyog peb cov ntseeg sawv daws yuav tsum ua.