COV TXIV PLIG NYOB AS MES LIS KAS THOV KEV THAJ YEEB RAU KEV KUB NTXHOV NYOB WASHINTON DC

Wednesday, January 27, 2021

Cov Txiv Plig Kav Tos Liv tau hais txog kev tawm tsam ntawm TRAMP cov neeg uas tau mus tsim kev kub ntxhov nyob hauv tseem hwv lub tsev sau suab kev xaiv tsa tus Txoov Tim Tswv tshiab. Ua rau muaj kev sib ntaus sib tua thiab tseem hwv As Mes Lis Kas yuav tsum siv txoj cai kav nruj nruj. Muaj neeg tuag ib leeg thiab coob leej raug ntes. Cov teeb meem no yog ib qho ua rau cov Txiv Plig tsis txaus siab thiab lawv tsis pom zoo. Kev xaiv tsa zaum no, muaj xov xwm hais tias kev suav tsoom pej xeem cov suab tsis ncaj ncees. Cov neeg tawm tsam qee leej tseem xav tias TRAMP yuav tau ua Txoov Tim Tswv, tab txawm Biden yeej kev xaiv tsa, tsis kav lawv hais tias yog tau los ntawm kev tsis ncaj ncees. Kev sib tawm tsam zaum no cov tub ceev xwm tshawb pom ib lub hoob pob nyob hauv pab nom Republican lub tuam tsev lis dej num. Txhua yam no cov tub ceev xwm pawg nruab nrab yuav tsum tshuaj xwm kom meej thiab nrhiav kev daws cov teeb meem no kom pluam mus.

Txiv Plig Salvatore Cordileone nyob San Francisco hais tias : kev tsim kev kub ntxhov rau tseem hwv lub tuam tsev, mas yog qhia tias tsoom pej xeem tsis zoo siab txais kev vaj huam sib luag, ces lawv thiaj muaj kev tawm tsam. Kev pov ntawv xaiv tsa raws kev ncaj ncees, tsis muaj leej twg yuav tsim kev kub ntxhov los hloov tau.

Hais txog cov neeg raug mob thiab raug tuag los ntawm qhov tsim kev kub ntxhov no, yuav tsis txhob muab mus ua tej yam loj uas yog tsov rog nyob hauv nroog. Thov kom tsoom pej xeem As Mes Lis Kas sawv daws tiv thaiv txoj kev kub ntxhov no nyob hauv peb lub teb chaws. Kev tawm tsam rhuav tshem kev xaiv tsa Txoov Tim Tswv, mas muaj ntau yam teeb meem los sib xyaws, vim tus hais thiab xav li cas kuj muaj. Ces cov teeb meem thiaj ua rau ib txhia pej xeem sib sau tawm tsam. TRAMP hais tias muaj ib txhia suab ntawm kev xaiv tsa raug nyiag mus, tab sis txhua yam yog nyob hauv txoj cai xaiv tsa uas ncaj ncees. Vim li ntawd, qhov kawg TRAMP thiaj tau hais kom cov neeg tawm tsam nyias rov mus nyias tsev thiab TRAMP muab qee yam nyob hauv Twitter thiab Facebook rhuav pov tseg. Kev sib tawm tsam zaum no TRAMP yog tus tsis txaus siab rau cov suab xaiv tsa xwb.

https://catholicherald.co.uk/us-catholic-bishops-demand-peace-replace-violence-after-protesters-disrupt-capitol/