KEV QAUG ZOG NTAWM COV NTXHAIS HLUAS YOG YAM TEEB MEEM NTSIA TSIS POM TXOG YAV TOM NTEJ

Raws kev soj ntsuam ntawm World Economic Forum tsab 16 hais tias : cov tub ntxhais hluas txoj kev qaug zog, yog ib yam teeb meem tsaus ntuj nti ntsia tsis pom yav tom ntej. Neeg txoj kev yeej muaj qee zaus cia li ploj ntais yam raug ntxhuav, yog tsis txawj daws kho kom haum caij nyoog.

Kev qaug zog thaub qab ntawm cov tub ntxhais hluas, yog kev plam ntawm kev cia siab los yog plam kev tso siab txog cov hluas lub neej tom ntej. Raws kev soj ntsuam thiaj pom tias cov tub ntxhais hluas uas lawv muaj hnub nyoog li ntawm 15 txog 24 xyoos zim txwv no, yog cov yuav ntsib teeb meem kev kub ntxhov rau ntau caum xyoo tom ntej no. Vim lawv yuav ntsib teeb meem los ntawm kev kawm, teeb meem ntawm kev lag luam thiab teeb meem siab ntsws. Lub Leej Haum Kuj hais tias : zim txwv no muaj cov tub ntxhais uas lawv hnub nyoog 15 txog 24 xyoos li ntawm 1.21 plhom leej, los yog 15 feem pua ntawm tas tsoom neeg nyob ntiaj teb. Hais txog kev vam meej mus rau fab Digital, mas tsuas yog pab tau cov hluas tus puav leej xwb. Dua li feem coob tseem yog cov tab tom yuav nkag mus rau txoj kev ua hauj lwm.