LUB TSEV KAWM NTAWV HMO NTUJ QHIA NTAWV RAU COV POJ NIAM HMOOB SUAV

Nyob rau lub ntuj tiam no, kev txawj sau thiab nyeem ntawv, tsis hais yus xeem lus los lwm haiv xeem lus, yog ib yam muaj txiaj ntsim rau lub neej.

Hmoob nyob Suav teb ua neej nyob toj siab deb kev vam meej, ua neej nrog hav zoov hav tsuag thiab ua liaj ua teb. Tab sis thaum ntiaj teb nqaim, av tsuag tas ua tsis tau noj lawm, Hmoob thiaj tawm rooj nqes tsua mus nrhiav hauj lwm nram tej mab sua. Hmoob tsis txawj ntaub ntawv ces thiaj nrog lwm haiv sib fim sib tham tsis tau. Hmoob kev nrhiav noj haus nyob hauv nroog thiaj caum tsis tau luag lwm haiv.

Nyob hauv tim 20 lub 1 hlis xyoo 2021 tas los no, koom haum poj niam hauv xeev Kim Tsawb (the Guizhou Women's Federation) pom txog cov teeb meem no, thiaj qhib ib kev kawm ntaub kawm ntawv rau cov poj niam Hmoob tau muab lub sij hawm yav tsaus ntuj los kawm ntawv nyob hauv lub zos Kaub Yaj (Gaoya), hauv nroog Rongjiang, Qiandongnan.

Lub tsev kawm no qhib thaum 8 teev 30 fiab mus txog 9 teev 30 fiab thaum tsaus ntuj, muaj 8 leej ntxhais Hmoob kawm ntawv qib siab ua kws qhia ntawv rau cov poj niam hauv zej zos.

Vam txog : http://www.womenofchina.cn/womenofchina/html1/news/action/2102/8284-1.htm