BIDEN TSO TSEG KEV NTAUS ROG NYOB YES MEES TEB

Tsab xov xwm nytimes hais tias Tus Txoov Tim Tswv Joe Biden tab tom xav tswv yim txog cov teeb meem tsov rog nyob As Xias Nrab, qhov loj tshaj mas yog tsov rog nyob Yes Mees teb yuav tsum raug tso tseg. Tsis tas li ntawd, Biden tseem txiav cov tseem hwv Washington txoj kev txhawb nqa cov As Las Npias Xaus Dis ntaus rog nrog cov yeeb ncuab uas nyob ze Is Laas teb thiab. Tab sis Biden lees saib xyuas cov neeg raug mob thiab cov neeg tuag nrog rau cov me nyuam yaus. Tsis ntev los no, Joe Biden tau xaiv yawg Timothy Lenderking ua tus tiam lis nyob Yes Mees teb. Joe Biden xav kom muaj tiam lis nyob hauv cov teb chaws As Xias Nrab, kom tau cheem kev sib ntaus sib tua uas yuav ua rau neeg piam sij thiab tshaib nqhis. Joe Biden txoj kev txiav txim siab no, tsis haum rau TRAMP thiab pab nom Republican txoj cai yav tag los.

Tsov rog nyob Yes Mees teb tau pib txij xyoo 2014 los lawm, yog tsov rog kev sib tawg nyob hauv lub teb chaws los ntawm cov tseem hwv txoj kev txhawb nqa cov As Las Npias Xaus Dis ntaus rog nrog cov Mawv Xis Lim Sis As nyob npuas Is Laas ciam teb. Keb sib ntaus rog los hnyav rau xyoo 2015, vim muaj Riyadh cov tub rog los xyaw, ces thiaj ua rau neeg tuag coob tshaj 10,000 leej thiab raug mob coob tshaj 55,000 leej. Xam txij xyoo 2016 los txog xyoo 2018, mas muaj neeg tuag txog 57,000 leej. 

UN hais tias ; kev sib ntaus rog ua teeb meem rau tib neeg txoj kev ncaj ncees loj tshaj, vim muaj tsoom pej xeem Yes Mees 24 phom leej los yog 80 feem pua taij thov kev ncaj ncees. Tsis tas li ntawd, tus kab mob Covid-19 tseem yog ib qho teeb meem loj tshaj rau tsoom pej xeem txoj kev noj qab nyob zoo thiab ua rau neeg haj yam tau txais kev tshaib nqhis loj. Cov me nyuam Yes Mees tseem yuav raug teeb meem loj txij no mus txog 20 xyoo yav tom ntej. Riyadh zoo siab txog Biden cov lus cog hais txog yuav koom tes nrog cov tseem hwv Yes Mees tiv thaiv thiab txuag tsoom pej xeem, tsis tas li ntawd Biden kuj hais txog kev tso tseg tsov rog thiab.