TOOJ (TUM) TXOJ KEV MUAB SIAB RAU PAB LWM TUS

Tooj (Tum) txoj kev muab siab rau pab lwm tus 

 Kom lawv saib zoo li yog lawv nyob hauv lawv vaj lawv tsev thiab paub txog cov laus txoj kev hlub uas muaj rau cov me nyuam yaus. Kev ua hauj lwm pab dawb, mas tseem ceeb heev nyob hauv cov neeg Thaib zim txwv no. Vim muaj coob leej neeg uas lawv xav tau kev pab uas tsis yog los ntawm nyiaj txiag. Lawv xav kom muaj neeg sib tuav xam thiab txhawb dej siab rau lawv, kom lawv txhob qaug zog nyob hauv lawv lub neej.

          Thaum peb hais txog cov Koom Haum txhim kho tib neeg, mas yog hais txog cov Koom Haum uas tsis vam txog nyiaj txiag thiab lawv pab lwm tus neeg. Kuv lub Koom Haum yog lub Koom Haum uas muaj txoj cai zoo thiab muaj ntau yam hauj lwm zoo uas tuaj ntawm lwm cov teb chaws tuaj. Kuv ua hauj lawm nyob hauv 5 los 6 lub Koom Haum, tab sis thawj lub yog lub Koom Haum txhim kho tib neeg nyob hauv lub Koom Txoos uas muaj cov Tswv Qhia nyob Thaib teb uas cov nres thiab pab cov neeg pluag txom nyem nyob thoob Thaib teb. Peb txoj hauj lwm yog fab saib xyuas kev ua liaj ua teb, peb qhia cov neeg ua liaj ua teb kom lawv paub txog yuav ua li cas cog qoob loo thiaj zoo. Kuv kuj ua hauj lwm hauv lub Koom Haum saib xyuas thiab pab cov poj niam, uas yog cov poj niam raug tsim txom nyob hauv lawv yim neej. Yog thaum tus niam raug tsim txom lawm, mas cov me nyuam kuj yuav tau txais kev kub ntxhov thiab.

Tam sim no kuv ua hauj lwm nyob hauv lub Koom Haum txhim kho tib neeg, yog saib xyuas cov tub zog txawv teb chaws nyob Thaib teb. Vim nyob Thaib teb muaj cov tub zog uas yog neeg txawv teb chaws coob heev. Kuv kuj thov Ntuj pab cov neeg pluag txom nyem thiab pab tiv thaiv kev ua luam neeg. Lub hom phiaj ntawm lub Koom Haum txhim kho tib neeg, yog daws cov teeb meem tsis muaj kev ncaj ncees nyob hauv tej pawg neeg coob coob nyob txhua qhov chaw.

Kuv zoo siab thiab sov siab uas kuv tuaj tuaj ntawm no, thiab kuv vam tias yuav muaj lwm lub sij hawm zoo rau peb rov tau sib ntsib ntxiv.