VIRGINIA TSIS MUAB LUB TXIM TUAG RAU COV NEEG RAUG TXIM LAWM

Friday, March 12, 2021

Xav tias Virginia yog thawj lub xeev nyob As Mes Lis Kas qab teb uas rhuav tshem lub txim tuag, yam li tsis txiav lub txim tuag rau cov neeg raug txim lawm. Tas cov nom sawv pej xeem cev nyob As Mes Lis Kas teb tau tawm suab nyob hauv kev zam lub txim tuag xyoo 2020, mas cov pom zoo tsis muab lub txim tuag yog 57 lub suab. Cov nom sawv pej xeem cev tawm suab no yog pab nom Republican thiab pab Democrats, vim muaj ib tug nom sawv pej xeem cev nyob hauv pab Republican tau koom tawm suab nrog pab nom Democrats hais txog kev zam lub txim tuag.

Tam sim no nyob hauv lub xeev Virginia tseem muaj 2 tug neeg raug txim raug kaw nyob ntawm lub nkuaj tua neeg. Kev muab lub txim tuag rau cov neeg raug txim nyob As Mes Lis Kas teb zaum kawg yog xyoo 2017. Suav txij xyoo 2011 los txog tam sim no, mas hauv lub Virginia tsis tau muab lub txim tuag rau ib tug neeg raug txim li.

Yav tag los lub xeev Virginia yog lub xeev uas muab cov neeg raug txim tua pov tseg coob dua lwm lub xeev, yam li yog 1,400 leej. Txij thaum cov tseem hwv As Mes Lis Kas rov kho txoj cai muab cov neeg raug txim tua pov tseg los, mas xyoo 1976 lub xeev Virginia tau muab cov neeg raug txim tua 113 leeg. Muaj 2 tug Txiv Plig Kav Tos Liv nyob hauv lub xeev Virginia pom zoo txog tseem hwv txoj cai zam lub txim tuag rau cov neeg raug txim txij lub 2 hlis los lawm.