KOOM TXOOS YOG LUB TSEV THIAB LUB CHAW THOV NTUJ

Hnub Plaub hauv Lis Piam 2 Caij Hla, Vaj Qhia Fas Ntshis Kus nthuav txog cov ntseeg kev thov Ntuj tias yog Koom Txoos lub plawv, yog tsis muaj kev thov Ntuj mas Koom Txoos yuav ua txoj hauj lwm tshaj lub Moo Zoo thiab tsob hwb lwm tus tsis tau.

Tim 14 lub 4 hlis 2021 no, Vaj Qhia nthuav tias Koom Txoos yog lub tuam tsev qhia thov Ntuj. Cov me nyuam kawm kev thov Ntuj thawj zaug nyob hauv lawv niam txiv thiab poj yawm xub ntiag, thaum lawv ntsib txoj kev ntseeg lawm, lawv txoj kev thov Ntuj yuav tob dua tuaj.

Vaj Qhia hais tias tsoos tsho ntseeg huam vam nrog peb ua ke, txawm tias yuav ntsib xwv txheej loj thiab kev sawv rov los. Li ntawd, peb yuav loj hlob tsis tau yog peb tsis ntsib xwv txheej, vim cov teeb meem ntawd ua koj peb loj tuaj.

Kev thov Ntuj yog txoj kev ntseeg txoj pa: peb loj nyob hauv txoj kev ntseeg yog peb kawm txog kev thov Ntuj. Nyob hauv peb txoj sia peb yuav pom tias yog peb tsis muaj kev ntseeg mas peb yuav hla tsis dhau qhov xwv txheej tuaj nphav peb, thiab peb lub zog yog kev thov Ntuj pab. Peb ras tau tias kev thov Ntuj tsis yog peb thov tib leeg xwb, txawm muaj peb cov kwv tij nkauj muam thiab cov ib ncig hauv peb zeg zos, lawv koom nrog peb thov thiab thov Ntuj rau peb thiab.

Yog vim li no, Vaj Qhia Fas Ntshis Kus thiaj piav tias pawg ntseeg thiab cov neeg cev nws txoj sia rau kev thov Ntuj lawv thiaj huam vam nyob hauv lub Koom Txoos. Lawv thiaj ua qhov nruab nrab tsom kev rau sab ntsuj plig, yog lub hav zoov ntsuab nyob hauv teb chaws quav poj.

Vaj Qhia piav ntxiv tias txhua yam hauv lub Koom Txoos nthaw kaus los ntawm txoj kev thov Ntuj thiab txhua yam loj tau vim muaj txoj kev thov Ntuj tso nag los ywg. Kev thov Ntuj qhib lub qhov rooj rau Leej Ntuj Plig Ntshiab los deev pev lub siab kom rhais ruam lawm tom ntej. Yog li kev txawv txav hauv Koom Txoos uas tsis muaj kev thov Ntuj nrog yuav tsis yog Koom Txoos kev txawv txav, tsuas yog kev hloov hauv pab pawg xwb. Li ntawd, thaum tus yeeb ncuab xav sawv tawm tsam lub Koom Txoos, tus yeeb ncuab yuav tauv tus dej yug lub Koom Txoos kom qhuav mus; yog thaiv txoj kev thov Ntuj tseg.

Hais txog cov nkauj ntshiab nraug huv mas lawv kuj ntsib xwv txheej thiab kev tawm tsam tib yam. Tiam sis lawv txoj kev thov Ntuj yuav pab kom lawv muaj zog tu lawv txoj kev ntseeg kom loj hlob xws li cov roj ntim lub teeb. Txoj kev thov Ntuj thiaj yog lawv lub cuab yeej.

Nyob hauv Lus Kas Ntawv Moo Zoo, Huab Tais Yes Xus hais tias “Thaum Neeg Leej Tub rov los, nws puas yuav pom neeg ntseeg nyob ntiaj teb?” Vaj Qhia teb tias Neeg Leej Tub yuav pom cov koom haum uas muaj cov ntseeg xwb. Li ntawd Huab Tais Yes Xus thiaj hais kom peb thov Ntuj tsis tseg, kom lub teeb ntseeg tsom pom kev rau lub ntiaj teb.

Vaj Qhia hais tias lo lus thov Ntuj coj peb cov lus thov Ntuj, peb kev pluag thiab txoj sia lo txhaum mus lawm tom ntej. Li ntawd, peb cov ntseeg yuav rov nug tus kheej tias peb puas tau thov Ntuj thiab peb thov Ntuj li cas.

“Kuv thov Ntuj xws li tus noog leeb nkaub hais ntawm ncauj xwb, los kuv thov Ntuj tawm hauv plawv siab tuaj? Kuv puas thov Ntuj xws li yog ib feem hauv Koom Txoos thiab thov kom tau raws li Koom Txoos kev vam, los yog kuv thov Ntuj raws li kuv txoj kev vam thiab tso kuv txoj kev xav ua kuv lo lus thov Ntuj.”

Li ntawd, Koom Txoos txoj kab xwm thiaj yog thov Ntuj thiab qhia txog kev thov Ntuj ib tiam mus rau ib tiam.