60 TUS NEEG NTSEEG TXAIS CIM NTXUAV HAUV CHEEB KOOM TXOOS KONTUM

Hmo Hla, muaj haiv neeg Jarai uas yog neeg ntseeg 60 leej tau txais lub Cim Ntxuav nyob hauv lub tsev teev Ntuj hwm Leej Ntshiab As Foos Xos, hauv lub Cheeb Koom Txoos Kontum. Hauv lub nroog Ia Rsai thiab cov zos hauv lub nroog Krong Pa, lub xeev Gia Lai, muaj tsoom pej xeem 6,175 leeg. Cov pej xeem 80 feem pua yog neeg toj siab ua liaj ua teb thiab yug tsiaj. 
Txiv Plig Bui Thanh Quang hais tias : cov neeg ntseeg no lawv tau siv sij hawm ntev los kawm kev ntseeg thiab lawv muaj feem cuam txog kev tshaj Ntuj Lus nyob hauv zej zog, nyem no lawv thiaj tau txais lub Cim Ntxuav nyob hauv hnub Yes Xus sawv rov los, kom lawv tau ua Tswv Ntuj cov me nyuam. Kab ke txais lub Cim Ntxuav, yog lub cim pab txhawb nqa yus lub siab thaum muaj kev ntxhov siab. Vim zim txwv no tsoom pej xeem nyob Nyab Laj teb uas lawv yog neeg liaj neeg teb, tab tom ntsib teeb meem los ntawm kev khwv nyiaj txiag hauv lub cuab yim neej thiab tus kab mob. Ntau zaus kuj yog los ntawm lub ntuj qhuav tsis los nag, ua rau tej qoob loo hlob tsis taus. Cov tseem hwv kev txhawb nqa kuj pab tsis tau txhua tsoom pej xeem. 
Ces vam tias lub Caij Hla no Leej Ntuj Plig Ntshiab yuav pab txhawb nqa cov neeg ntseeg Kav Tos Liv nyob hauv As Foos Xos kom lawv txawj ua siab loj siab tawv thiab lub neej maj mam zoo tuaj.