HNUB TXUAG LUB NTIAJ TEB

Txhua txhua xyoo hnub tim 22 lub 4 hlis ntuj, yog hnub txuag lub ntiaj teb. Yog hnub txwm xyoo ntawm kev txawv txav xyoob ntoo nroj tsuag txheej tshiab hauv xyoo 1970. Hnub txuag lub ntiaj teb xyoo 1970, yog lub suab hu qhia kom nyias txawj xav txog txhua tsam yam nyob ib ncig ntawm nyias tus kheej uas yog qhov tshiab ntawm lub ntiaj teb. 
Hnub txuag lub ntiaj teb thawj zaug, mas yog taw mus rau As Mes Lis Kas hnub txuag lub ntiaj teb nyob hauv xyoo 2020. Tas ib zeej tsoom neeg nyob thoob ntiaj teb 100 plhom leej tau soj ntsuam nyob hauv 50 xyoo, uas hu ua kev sib koom nyob hauv Online coob tshaj plaws yam tsis tau muaj los dua li. Pab neeg coob coob no muaj feem cuam koom ua cov hauj lwm nyob hauv lub lis piam hnub txuag lub ntiaj teb. Tas ib lis piam, mas sawv daws ua hauj lwm thiab daws teeb meem hais txog huab cua thiab xyoob ntoo nroj tsuag. Yog yam teeb meem tshwm sim zim txwv no uas tib neeg tab tom raug. 
Xyoo 1969, UNESCO lub rooj sab laj nyob San Francisco, mas John McConnell uas nws yog ib tug neeg nrhiav kev thaj yeeb tau tawm tswv yim hais txog muab ib hnub los hwm lub ntiaj teb, kom lub ntiaj teb tau kev nyob thaj yeeb yog thawj zaug nyob hauv hnub tim 21 lub 3 hlis xyoo 1970. Thiaj muab hnub ntawd los tis npe hu ua “Hnub txuag lub ntiaj teb”. Hnub ntawd muaj tshaj 20 plhom tus neeg zoo siab tawm ntawm tej kev tsheb, thiab hnub ntawd kuj yog ib hnub muaj kev tawm tsam loj tshaj plaws ntawm tib neeg. Hnub txuag lub ntiaj teb xyoo 2016, As Mes Lis Kas teb, Suav teb thiab 120 lub teb chaws pom zoo sau npe cog lus sib koom ua ke. Sawv daws pom zoo txog kev daws teeb meem txhua yam uas lub ntiaj teb tab tom raug.