KEV THAWM TSAM TAIJ THOV KEV MUAJ VAJ HUAM SIB LUAG SWB LAWM

Cov tub ceev xwm Thaib tau txwv tsis pub tsoom pej xeem tawm tsam tiv cov tseem hwv nyob hauv tej kev tsheb, vim muaj tus kab mob Covid-19. Tab sis tsoom pej xeem ntau pua leej tseem sib sau tawm tsam tas zog. 
Li ntawd, cov tub ceev xwm thiaj muab pab neeg tawm tsam ntawd ntes, vim lawv hla txoj cai hais txog kev tiv thaiv tus kab mob Covid-19. 2-3 lub hlis tag los, kev sib sau tawm tsam ntawm tsoom pej xeem yeej cov tseem hwv, ces thiaj ua rau muaj neeg coob coob tawm los tiv cov tseem hwv. Los txog tam sim no kuj tseem muaj cov neeg tawm tsam khaj cai tas zog, tab sis lub zog ntawm kev tawm tsam ntaug me ntsis lawm. Kuj yog vim tus kab mob Covid-19 sib kis loj heev thiab cov tub ceev xwm kav tau txhua yam kom nyob tus.
Thaib teb hais txog kev thuam vaj ntxwv, mas yog ib yam tsis tau muaj los dua. Yog tias leej twg thuam vaj ntxwv los yog hais lus siab, mas tus neeg ntawd yuav raug kaw nkuaj 15 xyoos. Hais txog kev sib tawm tsam, mas txhua yam twb pib ntaug rau lub 12 hlis tsaib no lawm. Tab sis xyoo no rov muaj thiab muaj tus kab mob Covid-19 rov tshwm sim zaum ob, ces ua rau txhua yam rov heev zuj zus. Cov tub ceev xwm thiaj siv lub zog ntawm tub ceev xwm ntes neeg thiab ua nruj kawg rau cov neeg tawm tsam. Tab txawm tias muaj kev kub ntxhov ntau yam, tsis kav tus thawj pwm tsav Thaib kuj tsis kam tawm thiab tas txhua yam nyob ntawm tus thawj pwm tsav tes.