IB TUG TUB HLUAS SUAV KAV TOS LIV YEEJ KEV SIB TW PARALYMPIC

Ib tug tub hluas Suav hu ua  Mengmeng uas nws yog neeg ntseeg Kav Tos Liv tuaj ntawm lub Cheeb Koom Txoos Handan, hauv lub xeev Hawv Pem tuaj. Nws thiab nws cov phooj ywg tau yeej kev sib tw caws plaub hau yog kev sib tw ntawm Paralympics zaum 11, hnub tim 28 lub 4 hlis tag los. 
Zaum no yog zaum tim 2 uas Mengmeng yog tus yeej kev sib twv. Thawj zaug yog yeej nyob hauv xyoo 2019. Mengmeng yug hnub tim 1 lub 6 hli xyoo 2000, nws pob ntseg tsis tshua hnov lus, nws yog ib tug me nyuam puas cev rau Leej Phauj SiGao. Tom qab nws loj hlob, mas nws mus kawm ntawv nyob hauv lub tsev qhia ntawv cov neeg lag ntseg thiab tes taw tsis puv 100 txheej siab. 
Xyoo 2018, Mengmeng nws tau ua tus sawv cev ntawm cov neeg caws plaub hau nyob hauv lub xeev Hawv Pem. Mengmeng hais tias nws thov ua tsaug rau Leej Phauj SiGao uas tau tu nws thaum tseem yau, yog vim muaj Leej Phauj SiGao mas nws lub hom phiaj thiaj tiav. Tab txawm nws txoj kev kawm nyuab npaum cas, tsis kav nws tsis yws thiab nws thov Ntuj tas zog, thov kom Tswv Ntuj pub lub tswv yim thoob tsib thiab pub lub zog rau nws. Nws hais tias kev ntseeg txog Yes Xus muaj nyob hauv nws nruab siab tas mus li, thiab kev ntseeg txhawb nqa nws. 
Ib tug muam yau hu ua Guo Yasong uas nrog Mengmeng ua hauj lwm nyob hauv Leej Phauj SiGao lub tsev saib xyuas cov neeg tuag tes tuag taw thiab lag ntseg los tau 16 xyoo, nws nrog Mengmeng tuaj ua ke, nws muaj kev zoo siab uas Mengmeng ua nws txoj hauj lwm tiav. Lub tsev tu cov neeg tuag tes tuag taw SiGao txhim tsa xyoo 1994, uas yog Leej Phauj Yoos Npos ua tus txhim, kom tau pab cov me nyuam uas lawv lub cev tsis puv ib puas thiab sib txawv.