COV NTSEEG NYOB JHABUA UA KAB KE PAM TUAG RAU TSWV QHIA BHURIYA

Lub Koom Txoos Kav Tos Liv nyob Is Ntias teb tab tom ua lub ntees tuag rau 2 tug Txiv Plig uas nyuam qhuav tuag los ntawm tus kab mob Covid-19 nyob hauv ob peb hnub dhau los no. Tswv Qhia Bhuriya uas nyob Jhabua, nws muaj 65 xyoos thiab nws raug tus kab mob, nws lub plawv nres, nws tau tag sim neej nyob hauv lub tsev kho mob Saint Francis. 
Hnub tim 3 lub 4 hlis tag los, Txiv Plig tau mus pw nyob hauv tsev kho mob thiab cov kws tshuaj soj ntsuam pom tias nws muaj tus kab mob Covid-19.
Tswv Qhia Bhuriya txoj kev tuag yog zoo li Tswv Qhia Anthony Anandarayar uas nyob Pondicherry thiab Cudcalor, vim yog tus kab mob Covid-19. Hais txog tus kab mob Covid-19 rov sib kis nyob thoob Is Ntias teb zaum no, mas muaj ceem thiab txaus ntshai kawg. Vim 1 hnub 1 hmos xwb, muaj cov neeg mob li ntawm 414,188 leej thiab tuag lawm 3,915 leeg.