COV TUB ROG MIAS MAS TUAG LAWM 800 TAWM LEEJ

Hais txog cov tub rog Mias Mas thiab tsoom pej xeem sib tawm tsam ua kev kub ntxhov txij lub 2 hlis los txog tam sim no, cov tub rog twb tuag li ntawm 802 leeg lawm. Cov tub rog txeeb kav teb chaws thiab ntes Oos Xas Xus Cis uas yog tus thawj coj ntawm pab nom NLD. 
Tam sim no cov neeg raug ntes kaw nkuaj yog 4,120 leej, thiab muaj 20 leej raug lub txim tuag. Lub Leej Haum Kuj thiaj ncua lub sij hawm thiab thov kom lwm cov teb chaws tsis txhob muag phom thiab muas txwv rau Mias Mas teb. Tam sim no As Mes Lis Kas teb, Kas Nas Das teb thiab Aas Kiv teb tab tom teem lub caij yuav muab txim rau cov thawj tub rog Mias Mas.
Raws li lwm cov neeg soj ntsuam, mas lawv pom tias yog lub Leej Haum Kuj ua hauj lwm qeeb, mas yuav tsis ncav rau tseem hwv Suav thiab Lav Xias txoj kev tawm tsam tiv tsis pub lub Leej Haum Kuj txiav kev pab Mias Mas teb. Tsis tas li ntawd, Mis Oos Laim lub hwj chim quab yuam neeg kuj yuav ua teeb meem rau cov pwm tsav fab kev ruaj ntseg. Lub Leej Haum Kuj tau nqua hu kom cov tub rog tso tseg kev ua phem rau tsoom pej xeem xeem tawm tsam. Thov kom 2 tog muaj kev sib haum xeeb thiab hwm txoj cai xaiv tsa nyob hauv lub 11 hlis uas Oos Xas Xus Cis yeej kev xaiv tsa.