Txoj cai tshiab uas tawm tsam tiv cov neeg ntseeg thiab cov Mawv Xis Lim nyob hauv lub xeev Gujarat, nyob Is Ntias teb

(https://www.licas.news)

Friday, June 18, 2021

Txoj cai tiv kev hloov siab nyob hauv lub xeev Gujarat nyob Is Ntias teb lub hlis tag los, mas yog txoj cai tiv cov neeg ntseeg thiab cov Mawv Xis Lim ntawm cov thawj coj Kav Tos Liv. Cov thawj cov ntawm kev teev hawm hais tias : txoj cai no tsis haum rau tseem hwv txoj cai uas kheev tsoom pej xeem txais thiab ua raws txoj kev teev hawm uas nws xaiv.

Li ntawd, cov kws txoj cai thiaj thov kom cov nom Is Ntias nyob sab hnub poob rhuav tshem txoj cai teev hawm ywj siab nyob hauv lub xeev Gujarat, kom ncaj ncees rau cov ntseeg thiab cov Mawv Xis Lim. Is Ntias teb muaj tsoom pej xeem 1.37 plhom leej, tab sis cov neeg ntseeg tsuas muaj 2.3 feem pua thiab cov Mawv Xis Lim muaj 14.2 feem pua.

Txiv Plig Yes Xus Is Prakash nyob hauv lub nroog As Mes das Npas uas yog qhov chaw ua lag luam nyob Gujarat hais tias : tseem hwv txoj cai tshiab uas nruj nruj, tab txawm yog tej tus neeg dawb huv los ntawm lwm cov kev teev hawm kuj ntaus nqi tau tias yog nws hloov kev ntseeg.

Pab nom Bharatiya Janata (BJP, Indian Peoples Party) uas kav lub xeev kuj daws kho txoj cai kom tau soj ntsuam txog cov Yis Has Las, feem ntau lub hom phiaj yog soj ntsuam txog cov tub ntxhais hluas Mawv Xis Lim uas lawv pheej sib dag tias hlub thiab yuav sib yuav nrog lwm cov neeg coj kev teev hawm sib txawv.

Txiv Plig Prakash hais tias txoj cai no lub hom phiaj yog kav cov neeg ntseeg thiab cov Mawv Xis Lim, vim Is Ntias teb txoj kev teev hawm mas yog His Ntus. Vim li ntawd, cov teev hawm His Ntus thiaj muag zog thiab lawv kheev kheev hiam cov neeg ntseeg thiab cov Mawv Xis Lim.