TSHUAB VACCINE TIV THAIV COVID-19 NYOB IS NTIAS TEB

Hnub tim 30 lub 4 hlis dhau los, yog lub hlis uas Is Ntias teb muaj cov neeg mob COVID-19 coob tshaj plaws, thiab cov kws kho mob nyob hauv tsev kho mob 84 feem pua puav leej tau txais Vaccine AstraZeneca, hos feem tsawg tau txais hom Vaccine Covaxin uas tsim nyob Is Ntias teb.

Cov tub ua hauj lwm nyob hauv CMC 679 leeg, los yog 9 feem pua hauv 7,080 tus neeg tau txais Vaccine koob tim 2 lawm. Tab sis pom tau tias tseem tsawg dua cov tsis tau txais Vaccine li 65 feem pua.

Cov neeg mob COVID-19 uas pw nyob hauv tsev kho mob muaj tsawg lawm 77 feem pua thiab cov siv Oxygen kuj muaj tsawg lawm 92 feem pua. Los txog tam sim no, mas Is Ntias teb tau txais Vaccine lawm 245 plhom fwj, yog muab xam rau tsoom pej xeem Is Ntias mas yog 15 feem pua xwb. Nyob Is Ntias teb twb muaj cov neeg tuag los ntawm tus kab mob COVID-19 390,691 leej lawm.

Tswv Qhia Oswald Gracias uas nws yog tus thawj tswj hauv lub rooj Tswv Qhia Kav Tos Liv nyob Is Ntias pom zoo txog kev nkaug tshuaj Vaccine tiv thaiv, ces thov kom cov tub ntxhais hluas Kav Tos Liv txhua leej yuav tsum nkaug Vaccine.