NTHUAV NTAWV MOO ZOO HNUB TIM 29/11/2019

LK 21 : 29-33

Zaj paj lug hais txog tsob txiv ncuav pias.

 29 Yes Xus hais ib zag piv lus tias : "Nej ntsia tsob txiv ncuav pias thiab tas cov ntoo huv tib si. 30 Thaum nplooj pib hlav, nej ntsia cov ntoo, nej to taub tias ntuj sov los yuav txog. 31 Nej kuj ib yam thiab : thaum nej pom tej ntawd tshwm sim tuaj, nej yuav to taub tias Tswv Ntuj lub ceeb tsheej los yuav txog. 32 Kuv hais tseeb rau nej tias tiam neeg no tsis tau dua, tas ib puas tsav yam ntawd twb yuav tshwm sim tuaj. 33 Lub ntuj thiab lub ntiaj teb yuav dua mus, tab sis kuv cov lus yuav tsis dua.

Nyob rau hauv ntawv Moo Zoo hnub no qhia peb tias, lub ntuj yuav hloov ntxeev mus zuj zus, neeg txawj neeg ntse sawv los sib hloov nom kav teb chaws, kev lag kev luam, kev nrhiav nyiaj txiag sawv los npog neeg lub siab ntsws tas huv si, zoo yam li tus tsov loj nyob hauv hav zoov nws tom cov tsiaj me noj nqos tas huv si. Neeg ntshaw nyiaj txiag dua ntshaw txoj kev zoo kev ncaj ncees. Cov muaj nyiaj nplua nuj yog cov tsawg, cov txom nyem yog cov coob. Neeg nyiam ua phem dua nyiam zoo, cov phem tsis mloog cov zoo hais, cov zoo hais tsis tau cov phem. Cov haiv neeg me raug cov haiv neeg loj nqos ploj mus. Yam li peb Hmoob lub neej nyob rau tiam neeg no, kev vam meej sawv tuaj, ua rau peb kub siab txog kev khwv noj khwv haus ntau dua, txuag peb tej txuj ci Hmoob, ntev mus ntshe peb Hmoob yuav tsis tshuav ib yam dab tsi uas yog peb tug. Tab sis, txawm li cas los xij Huab Tais Tswv Ntuj cov lus qhia thiab txoj kev zoo yuav nyob nrog peb Hmoob mus tiam dhau tiam.

Tus sau : XH. Xyooj Tuam Lis, Zoo Tswv Zov Yaj