TSAB NTAWV XOV XWM TABLOID KAWG NYOB HOOJ KOOS

Sunday, July 04, 2021

Tsab ntawv xov xwm Tabloid yog ib tsab ntawv xov xwm hais txog kev ywj pheej nyob Hooj Koos, lub lis piam tag los no tau luam tawm tsab kawg ntawm lub rooj ntawv xov xwm lawm. Vim kev kub ntxhov nyob Hooj Koos, ua rau cov tub ceev xwm, cov los pav thiab lwm cov tub ua hauj lwm raug ntes raws li tseem hwv txoj cai tshiab.

Tsab ntawv xov xwm Tabloid yog ib tsab ntawv xov xwm nto npe thiab ua los tau 26 xyoo lawm. Tsab ntawv xov xwm tau sau hais txog kev ywj pheej, cov tub ntxhais hluas nto npe thiab soj ntsuam txog cov neeg muaj hwj chwj, ces tau ua kom tsoom pej xeem ras txog kev ywj pheej ntawm tib neeg txoj cai nyob Hooj Koos.

Kev tsev ntawm tsab ntawv xov xwm raug 200 tus tub ceev xwm nkag mus tshawb lub 8 hlis tsaib no. Thaum Jimmy Lai uas yog tus tswv thiab ib tug kws tuav xam Pej Ceeb tab tom sib tw, nws raug ntes thiab raug liam txim tias koom siab nrog cov neeg txawv teb chaws. Ib zaug ntxiv yog lub lis piam tag los muaj 500 tus tub ceev xwm rov mus tshawb thiab ntes lawv 5 leeg.

Kev txiav txim siab kaw tsab ntawv xov xwm, yog vim xav kom cov tub ua hauj lwm txhob raug teeb meem thiab cov neeg ua hauj lawm muaj tsawg lawm. Lub lis piam tag los, cov tub ceev xwm kuj ntes ib tug neeg uas raug liam hais tias nws koom tes nrog cov neeg txawv teb chaws, ua rau cov nom sab hnub poob xyav moo txog cov tub ceev xwm txoj kev nkag mus tshawb lub tsev luam ntawv xov xwm thiab ntes neeg. Cov nom Hooj Koos thiab cov nom Suav av loj puav leej hais tias : yuav hwm kev ywj pheej ntawm cov ntawv xov xwm, tab sis txog tav no kuj yog lam hais xwb.

Tsab ntawv xov xwm Apple Daily pib ntxhov siab txij hnub uas Jimmy Lai raug ntes nyob hauv tsaib no. Tseem hwv Suav txoj cai kev ruaj ntseg raug muab los siv tom qab muaj kev sib tawm tsam taij vaj huam sib luag nyob Hooj Koos.