COV XIB HWB QHIA KEV NTSEEG NYOB MIAS MAS TAU MUAB TSWV NTUJ LO LUS LOS XAUS RAU LUB NTIAJ TEB

Zam Nwasar D uas nws yog ib tug xib hwb qhia kev ntseeg hnub nyoog 72 xyoos, nws yog thawj tug xib hwb ntawm haiv neeg Lij Xub nyob hauv lub Cheeb Koom Txoos Myitkyina nyob Mias Mas teb. Lawv tau ua hmoov tsuj xeeb nco txog nws ua xib hwb txwm 50 xyoo rau hnub tim 1 lub 4 hlis xyoo no. Nws yog thawj tug tub tshaj Ntuj Lus ntawm Zang Yaw, uas yog qhov chaw nyob toj siab thiab deb ntawm lub nroog Putao uas zwm rau lub Cheeb Koom Txoos Myitkyina.

Yog vim nyob deb, ces cov neeg thiaj yuav tsum tau mus ko taw li 15 hnub thiaj mam txog thiab yog ib txoj kev taw uas ua qhov ua kwj. Cov Txiv Plig ib xyoos xyoos twb mus tsis txog ib zaug. Zam Nwasar D mus xyuas lub zog ntawd 14 zaug thaum nws tseem hluas, vim muaj nws muab siab rau qhia kev ntseeg, ces cov neeg hauv zej zog thiab cov nyob ib puag ncig puav leej yog neeg Kav Tos Liv tas.

Zam nco tau tias txij xyoo 1969 los, nws thiab 2 tug tub hluas tau mus kawm kev ntseeg nyob hauv cov Txiv Plig Columban. Thaum ntawd txhua yam nyuab heev, ces nws 2 tug phooj ywg thiaj tso nws tseg thiab nkawd mus teev lwm txoj kev teev hawm.

Tab sis txoj kev ntseeg ntawm nws, mas tsis nyuab pes tsawg. Nws hais tias thaum nws ntsib teeb meem, mas Tswv Ntuj nrog nws nyob, Tswv Ntuj yog nws lub chaw nkaum. Tswv Ntuj ua kom kuv muaj zog, kuv yog ua hauj lwm rau neeg, tab sis kuv ua hauj lwm rau Tswv Ntuj. Muaj qee zaus neeg qhuas koj thiab muaj qee zaus koj yuav raug neeg thuam, tsis kav tej ntawd yog qhov xwm yeem ntawm tib neeg.