UA PHEM RAU COV DALIT NYOB IS NTIAS TEB

Ib tug tub hluas Dalit nyob hauv lub zos Karakthal nyuam qhuav raug neeg xuas riam tua nyob hauv lub nroog Chikkmagaluru, lub xeev Karnataka. Tus tub hluas Dalit raug tsim txom thiab raug cov tub ceev xwm ua phem ntau yam.

Kev kub ntxhov ntawm kev tiv cov neeg Dalit tsis yog thawj zaug xwb, suav txij thaum cov tseem hwv NDA uas yog BJP los ua nom kav xyoo 201 los, kev ua phem rau cov neeg Dalit muaj heev zuj zus tuaj. Tsis hais cov Mawv Xis Lim thiab cov neeg ntseeg uas yog tej pab neeg tsawg kuj raug teeb meem tib yam. Tas txhua yam uas tshwm sim yav tag los thiab tam sim no, mas ua kom pom tias BJP txhawb thiab pom zoo.

Tsis tas li ntawd, cov poj niam Dalit nyob Is Ntias teb kuj raug saib qis qis. Thawj tus thawj pwm tsav BR Ambedkar cov lus hais kuj zoo li yuav tseeb thiab, yog tias His Ntus txoj cai sawv tau los kav teb chaws, mas xav tias kev piam sij nyob hauv lub teb chaws yuav tsis phem li niaj hnub. Cov lus no yog thawj tug thawj pwm tsav sau tseg.

Txoj cai ntawm cov haiv neeg tsawg nyob Is Ntias, thiaj raug kev caij tsuj. Qhov no yog kev tshaj tawm ntawm cov kev teev hawm ywj siab nyob txawv teb chaws. USCIRF nyob As Mes Lis Kas teb tshaj tias : cov kev teev hawm nyob hauv cov haiv neeg tsawg thiab cov Dalits raug iab hiam heev kawg. Xyoo 2014 thiaj muaj kev sib ntxub ntxaug loj heev, xws li kev mos cov poj niam deev, kev quab yuam kom hloov kev teev hawm muaj heev zuj zus tuaj.