Muaj 3 tug neeg kis mob nyob ntawm ciam teb Mias Mas, thiab xav tias cov Vaccine Suav muaj txhab ntxiv

Hais txog tus kab mob Coronavirus, muaj neeg mob txhab ntxiv li ntawm 3 npaug nyob hauv lub xeev Yeej Naj uas muaj ciam teb npuas Mias Mas.

Lub lis piam tag los no, nyob hauv lub nroog Ruili thiab Longchuan, muaj 90 tus neeg kis kab mob uas yog cov neeg Suav rov ntawm Mias Mas teb los.

Kev sib kis tus kab mob COVID-19 nyob Yeej Naj, mas yog zaum ob thiab yog los ntawm tus kab mob Delta. Tus kab mob Delta xub tshwm sim nyob hauv lub tshav nkoj hauv lub xeev Kuaam Too (Guangdong) thaum lub 5 hlis xyoo no. Ces thiaj ua rau cov tshav nkoj raug kaw tseg ntau lub. Ua rau kev lag luam nyob hauv lub teb chaws thiab txawv teb chaws piam sij loj kawg. Tus Vaccine Sinovac uas yog ib tug nyob hauv cov Vaccine Pfizer-BioNTech, muaj cov kws kho mob nyob Thaib teb thiab Is Ntos Nes Xias teb uas nkaug tus Vaccine no tag, thiab tom qab lawv tuag.

Gao Fu uas yog tus thawj pwm tsav ntawm kev tiv thaiv tus kab mob COVID-19 hais tias : tam sim no cov Vaccine Suav tab tom ua hauj lwm nrog tus kab mob Delta. Thiab nws lees tias cov Vaccine uas Suav tsim mas sib txawv thiab maj mam hloov kom haum rau tus kab mob txia tshiab. Lub 4 hlis tag los, Gao Fu tau sim ntau yam Vaccine nyob hauv cov neeg kis tib tug kab mob, thiab tus Vaccine Sinovac yog ib tug tshuaj tsim los ntawm Pfizer-BioNTech.

Los txog tam sim no Suav tau tsim 4 hom Vaccine thiab yog ib lub teb chaws uas xa tawm cov Vaccine ntau tshaj. Tab sis kuj muaj ntau lub teb chaws uas tsis kam txais Suav cov Vaccine ntau pes tsawg thiab txais raws tus zauv hais tseg xwb.

Vim muaj coob leej kws kho mob Thaib thiab Is Ntos Nes Xias tom qab uas lawv nkaug cov Vaccine Suav tag, mas kuj muaj 30 tawm leej tuag nyob Is Ntos Nes Xias teb.