Cov Txiv Plig Thaib ua raws Vaj Qhia cov lus pub txhiam xws rau cov neeg txom nyem noj lub caij muaj kab mob COVID-19

Cov Txiv Plig Thaib nyob Bangkok ua raws Vaj Qhia cov lus nqua hu, kom tawm hauv tsev mus thiab nrog cov neeg raug xwv txheej nyob lub caij tus kab mob tab tom sib kis. Tswv Qhia Wissanu Thanya Anan hais tias : tus kab mob sib kis, mas ua teeb meem loj kawg rau cov yim neeg pluag txom nyem loj kawg, tab txawm lawv yog nyob hauv nroog Bangkok tsis kav kuj ua teeb meem loj.
Tswv Qhia Wissanu Thanya Anan hais tias : “Kuv ua raws Vaj Qhia Fas Ntshis Kus cov lus hais tias ‘tuaj saib mas’. Yog koj tuaj pom kiag ntawm koj lub qhov muag, mas koj yuv paub tias yog yam maj heev thiab xav tau dab tsi los pab cov neeg muaj mob”.
Lo lus ‘tuaj saib’ yog lub ntsiab lus ntawm kev sib xa xov ntawm ib zeej tsoom zaum tim 55 hauv lub 5 hlis xyoo no. Nyob hauv Vaj Qhia cov tsab ntawv uas nws sau, mas Vaj Qhia tau qhia kom sawv daws mus txog neeg, mus nrog lawv nyob kom pom lawv tej vaj tse.
Teeb meem ntawm lub cev ntaj ntsug, ua rau neeg poob hauj lwm. Ua teeb meem rau cov txiv tsev uas yog tus thawj coj lub yim neej, rau cov niam tsev thiab cov tub ntxhais hluas loj kawg. Cov thawj coj nyob hauv lub Koom Txoos yuav tawm mus ib puag ncig saib tsoom pej xeem pluag txom nyem, lawv npaj txhua yam uas tiv thaiv ntawm tib neeg mus. Cov Txiv Plig thiab cov neeg ntseeg kuj tawm mus faib txhiam xws noj rau tsoom pej xeem. Niaj hnub lawv npaj toob xib siv thiab txhiam xws noj mus faib rau cov neeg txom nyem nyob hauv nroog.
Caritas Thailand yog ib lub Koom Haum ntawm tej pawg neeg uas yog Vaj Qhia lub rooj sab laj, kom tau nrhiav txhiam xws noj thiab nrhiav toob xib puaj yam uas tsim nyog siv coj mus faib rau cov yim neeg uas lawv txwv thiab mus cuag kws kho mob tsis tau.
Xyoo 2019 cov neeg ntseeg nyob Thaib teb muaj tas nrho 388,468 leej. Muaj 11 lub Cheeb Koom Txoos, muaj 526 lub tsev teev Ntuj thiab muaj 662 tus Txiv Plig.