Lub Cim txwm 200 xyoo ntawm Leej Ntshiab As Nres Kim, yog kev thov Ntuj pub kev koom siab nyob Kos Lim teb

Cov neeg ntseeg Kav Tos Liv nyob Kos Lim teb muaj los txwm 200 xyoo lawm, suav txij li thaum pib muaj Leej Ntshiab As Nres Kim los. As Nres Kim yog thawj tus Leej Ntshiab nyob Kos Lim teb thiab nws raug tua tuag los ntawm kev iab hiam cov neeg ntseeg xyoo 1864, nws tuag thaum nws muaj 25 xyoos.

Kab ke hwm lub Cim Yug muaj nyob hauv 1,750 lub tsev teev Ntuj nyob thoob Kos Lim teb, thiab tsuj xeeb txwm 200 xyoo ua thawj thaj txi Ntuj lus Kos Lim nyob hauv lub tuam tsev teev Ntuj hwm Leej Ntshiab Pob Zeb nyob Los Mas. Yog hnub tshwm sim Leej Ntshiab As Nres Kim. Vaj Qhia Fas Ntshis Kus thiaj nthuav nws cov lus qhuas txog cov neeg ntseeg Kos Lim uas muaj lub siab loj siab tawv tuag ua tim khawv. Vaj Qhia ua tsaug rau cov neeg ntseeg Kos Lim uas lawv tau faib Vaccine tiv thaiv tus kab mob COVID-19 rau cov teb chaws pluag txom nyem uas yog siv Vas Tis Kas ua qhov chaw hla.

Vaj Qhia Fas Ntshis Kus kuj txhib cov neeg ua hauj lwm sib haum xeeb nyob Kos Lim Pej thiab Kos Lim Naj, kom ob tog muab siab rau tsim kev sib haum xeeb thiab kev thaj yeeb ntxiv mus. Kev ua hmoov tsuj xeeb ntawm tus pej thuam Solmoe nyob hauv lub Cheeb Koom Txoos Daejeon, kuj yog nco txog Leej Ntshiab As Nres Kim tshwm sim thiab qhia txog kev sib haum xeeb ntawm 2 lub teb chaws Kos Lim.