TUB SAB TUA NEEG TUAG NYOB NIS ZES

Muaj ib tug tub sab los yog ib tug txiv neej tsis paub tias nws tuaj qhov twg tuaj, nws tau xuas phom tua cov neeg hauv zej zog tuag 37 leej thiab 14 tug me nyuam. Cov xwm no tshwm sim nyob hauv  lub zos Banibangou, cheeb tsam Tillabery uas nyob ze ciam teb Mas Lis, nyob Nis Zes toob fab naj.

Xyoo no xwb twb muaj cov pej xeem raug cov neeg ntxeev siab Islamist tua tuag ntau pua leej lawm. Tam sim no cov tseem hwv Nis Zes tsis ua ntab ntws txog cov xwm tshwm sim ntawd li. Cov neeg ntxeev siab Tillaber thiab Tahoua tau tua tsoom pej xeem tuag li ntawm 420 leej thiab ntiab coob leej neeg khiav tawm. Xyoo 2021 no, muaj ntau caum txhiab leej tau tso lawv tej vaj tse tseg thiab khiav ua thoj nam. Cov lus no yog Human Rights Watch tshaj tawm nyob Nyus Yos (New York).