TUS XIB HWB THIAB COV ME NYUAM KAWM NTAWV RAUG NTES NYOB HAS NPIS

Cov tub ceev xwm nyob Has Npis hauv lub xeev Haelongjiang tau ntes ib tug xib hwb thiab cov tub kawm ntau leej nyob hauv ib lub tsev qhia ntaus paj nruag.

Lub lis piam tag los, cov tub tseem hwv 30 tawm leej thiab cov tub ua hauj lwm SWAT, cov tub ceev xwm thiab cov tub ua hauj lwm fab saib xyuas kev teev hawm tau mus koom ib lub tsev kawm ntawv lub koob tsheej Maizi Christian Music High School, uas tsis ntev los no cov tub ceev xwm tau ntes ib tug xib hwb hu ua Xus uas nws tab tom qhia paj nruag rau cov tub kawm. Cov tub ceev xwm muab lawv ntes thiab khuav txhua yam nyob hauv lub tsev kawm, yam li Piano, hlwb hlau (Computer) thiab txhua yam ntaub ntawv. Cov tub kawm raug ntes mus ib hnub thiab tso rov qab los lawm, tab sis tus xib hwb yuav tsum raug cov tub ceev xwm soj ntsuam ntxiv mus.

Tam sim no tsis paub tias Xus yuav zoo li cas, vim cov tub kawm ntawv lawv txhawj tias tsam Xus yuav raug liam lub txim tias nws qhia kev ntseeg. Lub tsev kawm ntawv kuj tsis tau nrhiav kws txoj cai mus pab Xus thiab. Raws kev soj ntsuam ntawm Freedom House, Suav teb yog cov Plos Tes Taas lub chaw nyob li ntawm 60-80 plhom leej. Hos cov neeg ntseeg Kav Tos Liv tsuas muaj 12 plhom leej xwb.

Xib hwb Xus raug ntes tib lub caij uas cov neeg ntseeg nyob Huv Ciaj ua cov kab ke qhib lub tsev teev Ntuj qub hu ua Mingdao nyob nyob Huv Tsaus. Cov neeg ntseeg hais tias tsis ntev tom ntej no lawv kuj yuav rov qab teev Ntuj tau xws li qub, yog tias tej twj nyob hauv lub tsev teev Ntuj yuav tau txhij.