TXOOS TIM TSWV ‘BIDEN’ NPAJ SIAB NTSIB VAJ QHIA

Biden yuav mus ntsib Vaj Qhia Fas Ntshis Kus nyob hauv lub 10 hli xyoo no.

Vaj Qhia Fas Ntshis Kus npaj tos txais Biden rau hnub tim 29 lub 10 hli 2021 no. Kev mus tsham Vas Tis Kas zaum no, yog thawj zaug txij thaum Biden tau los ua Txoov Tim Tswv kav As Mes Lis Kas teb.

Ntawv xov xwm tshaj tias ; As Mas Lis Kas tus tiam lis nyob Vas Tis Kas tab tom npaj txhua yam rau tsheb thauj mus rau Los Mas lawm, vim yuav npaj lub rooj sab laj sib ntsib ntawm Biden thiab Vaj Qhia Fas Ntshis Kus.

Hnub tim 22 lub 9 hlis tag los, xov xwm kuj tshaj tias Biden kuj yuav mus ntsib tus Txoov Tim Tswv Fab Kis hu ua Macron nyob rau lub 10 hli yuav tas no thiab.

Cov tub sau ntawv xov xwm nug tias kev nrog Vaj Qhia sib ntsib puas muaj kev sab laj dab tsi ? CNA hais tias tsis tau muaj dab tsi tshaj tawm txog qhov ntawd.

Ib txwm los Vas Tis Kas tsis tshaj tawm txog qhov muaj cov nom tuaj sib ntsib ua ntej, tsuas muaj kev tshaj tawm me me ua ntej 2-3 hnub xwb. Yog tom qab txhua yam dhau tas, mas Vas Tis Kas thiaj mam tshaj tawm cov xwm tseeb raws txoj cai.

Kev tawm rooj ntawm Biden zaum no, yog mus tsham Vas Tis Kas raws kev cai thiab yuav nrog Vaj Qhia sib sab laj txog cov Tswv Qhia thiab cov pwm tsav Vas Tis Kas uas muaj meej mom xws li cov pwm tsav txawv teb chaws.