ZAJ NYEEM NIAJ HNUB. Kaum Ib Hlis 1, 2021 (Daily Gospel reflection)

ZAJ NYEEM NIAJ HNUB. Kaum Ib Hlis 1, 2021 (Daily Gospel reflection)

Kev tos txais thiab kev ua rooj mov yog ib qho nyob hauv txhua haiv neeg kab lis kev cai. Huab Tais Yes Xus qhia peb tias yog peb yuav ua rooj mov, peb yuav tsum caw cov neeg xiam hoob khab, cov neeg pluag, neeg ruam, neeg dig muag thiab lwm yam. Vim tias cov neeg no lawv ua zoo rov qab rau peb tsis tau. Qhov no yog kev pub rau luag tej uas huv uas dawb. Kev pub yam li no ua rau peb loj hlob ntawm kev raws Yes Xus thiab ua rau peb nplua nuj ntawm Tswv Ntuj kev nyiam kev hlub. Tswv Ntuj caw peb tuaj koom hauv Tswv Ntuj rooj mov. Peb kuj yog ib yam li cov neeg txom nyem no, vim tias peb ua zoo rov qab rau Tswv Ntuj tsis tau thiab. Tab sis peb ua Tswv Ntuj tsaug tau. Qhov no ua peb loj hlob ntawm kev ntseeg txog Tswv Ntuj.