COV NEEG THOJ NAM AS KAS NIS TAAS RAUG TUA

Cov tub rog Tws Kis tab tom hiam cov neeg thoj nam As Kas Nis Tas uas lawv hla ciam teb mus rau Is Laas teb, lawv hla tib neeg kev ncaj ncees thiab ua kev kub ntxhov txhab ntxiv rau cov neeg raug kev txom nyem los ntawm lawv lub teb chaws uas raug cov Taliban kav. Qhov no thiaj ua rau cov tub tseev tsim hauv Human Rights Watch (HRW) thuam thiab tsis txaus siab. Lawv pom cov Video ncig nug cov neeg thoj nam thiab quab yuam mos deev cov poj niam.

Tws Kis teb yog cov neeg thoj nam qhov chaw nyob coob li ntawm 400,000 leej uas yog khiav tuaj ntawm As Kas Nis Taas teb, Is Lav teb thiab lwm lub teb chaws nyob sib ze. Lub 8 hli uas cov Taliban txeeb tau As Kas Nis Taas teb, mas Tws Kis teb yog lub teb chaws uas tau txais cov neeg thoj nam coob tshaj.

Tws Kis teb muaj cov neeg thoj nam li 3.7 plhom leej, feem coob yog cov neeg Xis Lias. Cov neeg thoj nam li ntawm 400,000 leej uas yog neeg As Kas Nis Taas, neeg Is Lav thiab lwm cov neeg txawv teb chaws, tom qab Taliban txeeb tau As Kas Nis Taas teb ces lawv rov khiav ua neeg thoj nam.

Muaj ib tug txiv neej piav tias, nws raug neeg xuas phom ntaus thiab muaj coob leej raug mob sab heev. Cov tub ua hauj lwm nyob hauv HRW thiaj thov mus rau lub Leej Haum Kuj fab saib xyuas neeg thoj nam, kom lawv tshuaj xwm thiab sau cim tseg kom zoo zoo txog kev yuav xa cov neeg thoj nam rov qab.