Cov Leej Phauj Salesian qhib ib lub tsev txhawb nqa lub neej nyob Khas Phus Chas

(RVA news photo)

Thursday, November 18, 2021

Cov Leej Phauj Salesian nyob Khas Phus Chas teb qhib ib lub tsev txhawb nqa thiab saib xyuas txhua yam xws li ; cov me nyuam kawm ntawv, cov xib hwb thiab cov tsev neeg, kom muaj feem cuam sib pab saib xyuas txhua yam “lub tsev uas peb nyob”.

Cov hauj lwm no kuj hais txog kev siv hnab roj hmab, kev cog zaub thiab muab tej txhiam xws noj tsis tag coj los ua chiv.

Cov hauj lwm lub Koom Haum Don Bosco Foundation yog ua nyob hauv 4 lub tsev kawm ntawv nyob Khas Phus Chas. Yog ua raws Vaj Qhia Fas Ntshis Kus cov lus “saib xyuas lub tsev uas peb nyob”. Cov Leej Phauj Salesian tau txais kev txhawb nqa los ntawm Laudato Si uas yog Vaj Qhia ntiag tug.

Tom qab ntawm kev sib sab laj, mas peb teeb tsa tej yam tseem ceeb ua ntu zus thiab npaj ntau yam hauj lwm, kom tau daws teeb meem nyob hauv tsev kawm ntawv Salesian thiab cov me nyuam kawm ntawv lawv cov tsev neeg. Kev sib hwm, kev paub hauj lwm, kev saib xyuas tus kheej thiab lwm tus nrog rau txhua yam nyob ib ncig yus, yog lub hom phiaj ntawm cov hauj lwm uas cov Leej Phauj ua.

Tsis tas li ntawd, muaj kev sib tham nrog cov me nyuam kawm ntawv cov niam cov txiv txhua txhua 3 lub hlis. Yog hais txog kev sib pab txhawb nqa thiab txhim kho txhua yam nyob ib puag ncig yus kom zoo tuaj, xws li tso tseg kev siv hnab roj hmab nyob hauv niaj hnub thiab kev cog zaub rau chiv uas yog ua los ntawm tej txhiam xws seem pov tseg. Ua kom cov me nyuam kawm ntawv txawj siv txawj txuag, txawj tsim tej yam tshiab, paub txog qhov muaj nqis ntawm tej toob xib uas niaj hnub siv thiab muab tej yam uas siv lawm rov los tsim dua tshiab kom tau siv.