Vaj Qhia tos txais Narendra Modi tuaj caw mus tsham Is Ntias teb

Hnub tim 30 lub 10 hli tag los, Vaj Qhia Fas Ntshis Kus tau mus ntsib tus thawj pwm tsav Is Ntias hu ua Narendra Modi nyob hauv Vas Tis Kas.

Lub rooj sab laj yog siv sij hawm ntev li 1 teev los sib ntsib. Tus thawj pwm tsav Is Ntias tau ntsib Vaj Qhia Fas Ntshis Kus thiab Vaj Qhia tos txais nws yam sov siab. Tus thawj pwm tsav Is Ntias hais tias : “Kuv tau nrog Vaj Qhia tham ntau yam thiab caw Vaj Qhia mus tsham Is Ntias teb”. Kev sab laj Vas Tis Kas nyob Is Tas Lias tshaj tias : hais txog kev sib tawm tsam tiv cov neeg ntseeg, mas lub rooj sab laj Tswv Qhia nyob Is Ntias teb tau nrhiav kev sib tham nrog cov tseem hwv kom sib haum xeeb ib txwm los.

Tab txawm muaj teeb meem ntau tsav ntau yam hais txog kev tiv cov neeg ntseeg nyob Is Ntias teb, tab sis Tswv Qhia Oswald Gracias uas nyob Npoos Npes muaj kev cia siab hais txog kev sib ntsib ntawm Vaj Qhia thiab tus thawj pwm tsav Modi.

Yog tias Vaj Qhia lees txais lo lus caw no, mas Vaj Qhia yuav yog tus Vaj Qhia tim 3 uas mus tsham Is Ntias teb. Vaj Qhia Paj Lug 6 mus tsham Is Ntias teb xyoo 1964. Hos Vaj Qhia Zam Paj Lug 2 mus tsham Is Ntias teb xyoo 1986 thiab xyoo 1999.

Kev txawv txav nyob hauv xyoo 2021 tshaj tias : kev twj lij ntawm cov kev teev hawm nyob ntiaj teb no, Aid to the Church in Need (ACN) rov hais txog muaj kev hla txoj cai twj lij ntau zaus. Qhov no yog hais raws tseem hwv Is Ntias txoj cai nqe 25, thiab kev hiam cov neeg ntseeg nyob Is Ntias teb.