2 tug Leej Phauj raug ntes nyob Kos Lim Naj

2 tug Leej Phauj Kos Lim Naj raug ntes thiab raug liam lub txim tias “hloov siab tig los ntseeg yam txhaum cai”. Cov xwm no tshwm sim nyob hauv lub nroog Pos Khas. Tab sis 2 tug Leej Phauj ntawd raug tso tawm lawm, nkawd raug ntes lub sij hawm nkawd mus faib txhiam xws noj rau cov neeg pluag nyob hauv qhov chaw cov neeg tsis muaj vaj tsev nyob, yog lub caij muaj kab mob sib kis.

Leej Phauj Gemma Lucia thiab Leej Phauj Martha nkawd cov neeg raug kaw 2 lub hlis. Nyob hauv cov Leej Phauj lub tsev The Sisters of Saint Paul of Chartres muaj cov me nyuam 120 leej tuaj ntawm cov thaj tsam pluag txom nyem nyob hauv lub nroog tuaj. 2 tug Leej Phauj ntawd nkawd yuav tsum tos rov mus nce tsev txiav txim. Cov neeg ntseeg Kav Tos Liv nyob Nes Pas muaj 1.4 feem pua ntawm tas tsoom pej xeem. Cov xwm txheej no yog ib yam txaus txhawj kawg, vim muaj kev iab hiam cov haiv neeg tsawg thiab muaj neeg ua phem rau cov tub tshaj Ntuj Lus heev kawg

Tswv Qhia Paul nyob Nes Pas hais tias : cov lus iab hiam no tsis muaj qab hau dab tsi thiab tsis ncaj ncees. Leej Phauj Byung Suk uas nws muaj 71 xyoos, pib mus ncig tsham qhov chaw Pokhara xyoo 2007, nws nyiam mus raws tej kev nqaim nqaim, nws muaj cov tshuab mloog pob ntseg thiab tshuab ntsuas ntshav siab nyob nrog nws. Nws xub tuaj txog ua ntej cov Leej Phauj Saint Paul of Chartres, nws tau saib xyuas tsoom pej xeem uas raug tso tseg ntawm tej ntug kev.